Behman kasalxonasi
 | Бу мақола айни дамда Эркинжонов Бобур Мирзо (мунозара) томонидан фаол таҳрирланяпти. Илтимос, мазкур огоҳлантириш хабари саҳифадан олиб ташланмагунга қадар саҳифага ўзгартиришлар киритмай туринг. Акс ҳолда, таҳрирлар тўқнашуви юз бериши мумкин. Бу саҳифа охирги марта 09:46, 12-ноябр 2026 (УТC) (0 сония аввал) да таҳрир қилинган. |
| Беҳман касалхонаси | |
|---|---|
| Умумий маълумот | |
| Тури | Хусусий касалхона |
| Таснифи | Психиатрия, гиёҳвандлик ва бошқа қарамликларни даволаш |
| Жойлашуви | Қоҳира шаҳри, Ҳелвон |
| Мамлакат | Миср |
| Қурилиши бошланган | 1940 |
Беҳман касалхонаси (арабча: مستشفى بهمان) — Мисрнинг Ҳелвон шаҳрида жойлашган, руҳий касалликлар ва қарамликларни даволашга ихтисослашган дастлабки касалхона[1]. Касалхона 1940-йилда Бенжамин Беҳман томонидан ташкил этилган[2][3].
Тарихи
Ҳелвонда олтингугуртли булоқлар мавжудлиги сабабли ҳаммомлар ташкил этилгач, шаҳарда даволаниш мақсадидаги саёҳатлар, я’ни тиббий туризм ривожлана бошлади. Натижада бу ҳудудда Ал-Ҳаят меҳмонхонаси ва Гранд Ҳаммамет меҳмонхонаси каби кўплаб даволаш масканлари ва муассасалари пайдо бўлди[4].
1940-йилда Мисрнинг Қоҳира шаҳри таркибидаги Ҳелвонда Беҳман психиатрия касалхонаси ташкил этилди. У Яқин Шарқдаги руҳий саломатликни муҳофаза қилиш ва психиатрия соҳасидаги та’лимга ихтисослашган йирик ҳамда етакчи тиббиёт марказларидан бири ҳисобланади. Шунингдек, у Мисрдаги биринчи хусусий психиатрия касалхонаси бўлиб, мамлакатдаги энг қадимги муассасалардан биридир.
Касалхона дастлаб беморлар учун 12 та ўрин билан фаолият бошлаган. 1964-йилга келиб, унинг сиғими 110 та ўрингача кенгайган. Кейинчалик беморлар учун ўринлар сони 250 тага етган.
1973-йилда касалхона Жаҳон соғлиқни сақлаш ташкилотининг ҳамкорлик маркази сифатида танланган.
1997-йилда касалхонанинг мутахассислар тайёрлаш тизими Араб Психиатрия Кенгаши томонидан тасдиқланган.
1999-йилда касалхона Буюк Британия Қироллик психиатрлар коллежининг (Роял Cоллеге оф Псйчиатрисц) малака ошириш ва мутахассислар тайёрлаш маркази сифатида аккредитациядан ўтган. Бу ерда орттирилган тажриба Буюк Британияда МРCПсйч имтиҳонини топширишда ҳисобга олиниши мумкин.
2000-йилда психиатрия соҳасига қўшган кўплаб ҳиссалари сабабли касалхона АҚШнинг Мичиган штатидаги Уэйн давлат университети (Wайне Стате Университй) психиатрия кафедраси фаолиятига киритилган.
Касалхонанинг бошқа филиаллари ҳам Яқин Шарқнинг турли ҳудудларида фаолият юритади. Муассаса катталар психиатрияси, кексалар психиатрияси, болалар ва ўсмирлар психиатрияси, психоактив моддаларни исте’мол қилиш билан боғлиқ муаммоларни даволаш, психологик хизматлар, ўқишдаги қийинчиликлар билан боғлиқ ёрдам ҳамда уйқу бузилишларини даволаш каби хизматларни кўрсатади[5].
Танқидлар
Умар Шариф вафотидан кейин касалхона унга нисбатан самарали даволаш режасини ишлаб чиқмаганликда айбланган. Касалхона ма’мурияти эса бу айбловни рад этган[6]. Касалхона вакилларининг тушунтиришича, Ал-Шариф Алцгеймер касаллигининг даволаш қийин бўлган ривожланган босқичига етган эди. Муассаса унинг ўлими сабабларини ошкор қилмаган[7].
Машҳур беморлар
Умар Шариф
Халқаро миқёсда танилган актёр Умар Шариф касалхонанинг энг машҳур беморларидан бири бўлган[8]. У ҳаётининг сўнгги даврида ўзида бир йил аввал аниқланган ва кейинчалик даволаш қийин бўлган босқичга етган Алцгеймер касаллиги сабабли даволанган. У психиатрия касалхонасида камида уч ойдан ортиқ вақт давомида бўлган.
У билан учрашишга фақат ягона ўғли Ториқ ва таниқли археолог, дўсти Зоҳи Ҳаввос рухсат олган.
Умар Шариф касалхонада вафот этганидан сўнг, муассаса унинг ҳолати, ҳаётининг сўнгги кунлари ва ўлим сабаблари ҳақида ма’лумот беришдан бош тортган. Касалхона беморнинг тиббий ҳужжатларини ҳарбий сирлар сингари махфий сақлаш лозимлигини билдирган.
Зоҳи Ҳаввос актёрнинг вафоти ҳақидаги хабарни э’лон қилар экан, унинг соғлиғи кескин ёмонлашганидан сўнг, ўлимидан тахминан бир ой олдин касалхонага ётқизилганини ма’лум қилган[9]. Бироқ актёрнинг аҳволи яхшиланмаган, аксинча, ҳаётининг сўнгги ўн кунида узлуксиз ёмонлашиб борган. У вафотидан олдин овқат ва ичимлик исте’мол қилишни тўхтатган[10].
Нажво Салим
Мисрлик актриса Нажво Салим онаси вафот этганидан сўнг руҳий ёрдамга муҳтож бўлгани сабабли Беҳман касалхонасига даволаниш учун ётқизилган[11][12].
Манбалар
- ↑ „Ҳоспитал Диреcторс – Тҳе Беҳман ҳоспитал“. беҳман.cом. Қаралди: 2024-йил 8-январ.
- ↑ „Бенжамин Беҳман, б.1890 д.1972 - Анcестрй®“ (эн-УС). www.анcестрй.cо.ук. Қаралди: 2024-йил 8-январ.
- ↑ „مستشفى بهمان للطب النفسي - قائمة الأطباء ، العنوان ، التعيين | Ваидам.cом“. www.ваидам.cом. Қаралди: 2024-йил 8-январ.
- ↑ „Бенжамин Беҳман, б.1890 д.1972 - Анcестрй®“ (эн-УС). www.анcестрй.cо.ук. Қаралди: 2024-йил 8-январ.
- ↑ Лилаc „Тҳе Беҳман Ҳоспитал | Лилаc“ (эн-УС). Тҳе Беҳман Ҳоспитал | Лилаc. 2024-йил 8-январда асл нусхадан архивланган. Қаралди: 2024-йил 8-январ.
- ↑ „مستشفى بهمان لعلاج الادمان“ (ар). موسوعة علاج المخدرات (2018-йил 13-май). Қаралди: 2024-йил 8-январ.
- ↑ „مستشفي بهمان لعلاج الإدمان في حلوان ومستشفي الوعي الجديد“ (ар). مركز ميديكال (2021-йил 28-март). Қаралди: 2024-йил 8-январ.
- ↑ „الأقباط متحدون - 10 معلومات عن مستشفى بهمن للأمراض النفسية.. توفى بها فنان عالمي“. www.cопц-унитед.cом. Қаралди: 2024-йил 8-январ.
- ↑ „مستشفى بهمان تعتبر أسباب وفاة عمر الشريف سرا حربيا“ (ар-кw). www.аланба.cом.кw. Қаралди: 2024-йил 8-январ.
- ↑ „"بهمان" تعتبر أسباب وفاة عمر الشريف "سرًا حربيًا" - بوابة الشروق“ (ар-эг). www.шороукнеwс.cом. Қаралди: 2024-йил 8-январ.
- ↑ сара „نجوى سالم.. دخلت مستشفى الأمراض النفسية وتزوجت سرًا طوال 17 عامًا“ (ар). كل النجوم (2016-йил 6-май). Қаралди: 2024-йил 21-январ.
- ↑ نصر, دعاء „نجوى سالم و سر دخولها المصحة النفسية و إخفاء زواجها وطردها من مصر“ (ар). عالم النجوم (2020-йил 17-ноябр). Қаралди: 2024-йил 21-январ.