Blastopor

Бластопор (бласто... ва юн. порос — тешик), бирламчи оғиз, гастропор — кўпчилик кўп ҳужайрали ҳайвонларнинг эмбрионида гаструланинг атроф муҳит билан алоқасини таъминлайдиган тешикча. Ривожланиш жараёнида баъзи ҳайвонлар (бирламчи оғизлилар)да Б. оғизга айланади ёки оғиз ҳамда анал тешикни ҳосил қилади, иккиламчи оғизлиларда Б. ўрнида орқа чиқарув тешиги ёки ҳазм қилиш бўшлиғини нерв найи бўшлиғи билан туташтириб турадиган нервичак найи ҳосил бўлади.

Адабиётлар

• ЎзМЕ. Биринчи жилд. Тошкент, 2000-йил