Ziyosfera

Blerta Basholli

Блерта Башолли (1983-йилда туғилган) — косовалик албан ёзувчиси, режиссёр ва продюсер. Блерта Башолли илгари Ню-Ёрк шаҳрида тўрт йил яшаган ва бу унга талаба сифатида бир қатор лойиҳаларда ишлашга имкон берган, жумладан, унинг „Лена анд Ме“ қисқа метражли филми қатор халқаро фестиваллар ва Косово мукофотларига сазовор бўлган. 2008-йилда у Ню-Ёрк университетининг Тисч рассомлар мактабида Кино магистратура дастурида деканлар стипендияси билан тақдирланган[1]. Унинг яна бир дебют бадиий филми Ҳиве (2021) катта муваффақиятга эришган ва Сунданcе рекордларини янгилаган, ҳамда „Оскар“ қисқа рўйхатига номзод сифатида киритилган биринчи Косово филми бўлган[2].

Блерта Башолли
Таваллуди 1983 (ёши 42–43)
Приштина, ЙССР
Таълими Ню-Ёрк университети
Касби Ёзувчи, Директор, Продюсер
Фаолият йиллари 2006-ҳозирга қадар
Турмуш ўртоғи Артан Кореника
Болалари 2

Шахсий ҳаёти

Блерта Башолли олий таълимни Ню-Ёрк университетида олган. У ҳозирда Приштина шаҳрида яшайди[1]. У таниқли косовалик фотограф Артан Кореника билан оила қурган, уларнинг икки фарзанди бор.

Иш фаолияти

2006–2011-йиллар

2006-йилда Блерта Башоллининг биринчи филми — „Миррор, Миррор…“ ҳужжатли филми шаклида чиққан. 2006-йил Сараево кинофестивалида сараланиб, катта муваффақиятга эришган. Шунингдек, Тирана халқаро кинофестивали 2006, Болқон қора қути филм фестивали 2006, Берлин ва Ню-Ёрк халқаро мустақил филм ва видео фестивали 2016 каби кинофестивалларда этироф этилган. 2008-йилда у „Гжакова 726“ қисқа метражли филмини 2009-йилда бўлиб ўтган Роттердам кинофестивалида намойиш этган. Бушо кинофестивали 2009, Докуфест 2009, Тоффифест 2009, Филммор аёллар филмлари фестивали 2009 сингари кинофестивалларда ҳам унинг айни шу филми тақдим этилган. Кейинчалик, 2011-йилда Башоллининг „Лена анд Ме“ қисқа метражли филми 2011-йилдаги Фирст Рун Филм Фестивалида намойиш этилган. Шу билан биргаликда, Докуфест 2011, Поградеc кино ва озиқ-овқат фестивали 2011, Скена Уп 2011, Тирана Интернатионал ФФ 2011 ва 9/11 Филм Фестивал 2012 (Энг яхши актриса мукофоти) да бир қатор мукофотларга сазовор бўлган[1].

2021–ҳозирга қадар: Бутунжаҳон эътирофи

Блерта Башоллининг энг машҳур филми 2021-йилда суратга олинган бўлиб, у косовалик Фаҳриже Ҳоти исмли аёлнинг патриархал жамиятда ўз бизнесини очиши билан боғлиқ муаммоси ҳақидаги реал воқеаларни ҳикоя қилади. Филм Ҳиве деб номланади ва бу Блерта Башоллининг биринчи бадиий филми ҳисобланади[3]. Ҳиве Сунданcе рекордларини янгилаган, у ерда ҳакамлар ҳайъатининг бош мукофоти, режиссёрлик мукофоти ва Жаҳон кино драматик тоифасида томошабинлар мукофотига сазовор бўлган. Ҳиве филми „Энг яхши халқаро филм“ номинациясида „Оскар“ мукофоти номзодлари рўйхатига киритилган биринчи косовалик режиссёрнинг филми бўлган[4].

Филмографияси

  1. Миррор, Миррор… (Ҳужжатли филм) (ёзувчи, режиссёр) 2006-йил
  2. Гжакова 726 (Видео қисқа) (ҳаммуаллиф, режиссёр) 2008-йил
  3. Лена дҳе Уне (Қисқа филм) (ёзувчи) 2011-йил
  4. Эверйтҳинг Ис Брокен Уп анд Данcес (ҳаммуаллиф) 2016-йил
  5. Ҳиве (ёзувчи, режиссёр) 2021-йил
  6. Тҳе Марриаге (биринчи директор ёрдамчиси) 2017-йил
  7. Тҳе Ретурн (режиссёр ёрдамчиси) 2017-йил
  8. Унwантед (биринчи директор ёрдамчиси) 2017-йил
  9. Лоокинг фор Венера (биринчи режиссёр ёрдамчиси) 2021-йил
  10. Cолд Новембер (ишлаб чиқариш менежери) 2018-йил[5]

Манбалар

  1. ↑ 1,0 1,1 1,2 „Блерта Башолли“ (эн).
  2. ↑ „Косово сcоопс cоунтрй’с фирст Осcар шортлист номинатион“ (эн).
  3. ↑ „Блерта Башолли флет пëр бетежëн э ре тë филмит "Згжои"“ (сқ).
  4. ↑ „Блерта Башолли, Косово“ (эн).
  5. ↑ „Блерта Башолли, Филмограпҳй“ (эн). 
"https://new.ziyosfera.uz/ziyo/Blerta_Basholli" dan olindi