Bobo Piriy

Бобо Пирий – “Насойим ул-муҳаббат”да тилга олинган мажзуб дарвеш. Алишер Навоий Бобо Пирий ҳақида ўзи билан боғлиқ қуйидаги ҳикоятни келтиради: “Халқни кўп сафоҳатомиз сўкар эди. Бу ҳақир анинг илайидин ўтмас эрдим. Ва ҳол улки, маскани ом йўли устида эди. Бир кун бир ҳамроҳ сўрдики, бу ерга етканда, дойим йўлни эвуруб, Бобо илайидин ўтмассен, сабаб недур, айт?! Дедимки, бу жиҳатдинки, фаҳш сўкар, манга хуш келмаски, анинг фаҳшин эшиткаймен. Ул ҳамроҳ дедики, Бобони дерларки, каромати бор, кел, илайидин ўт. Агар каромати бўлса, сени сўкмагай. Агарчи имтиҳон эрди, аммо ул дегандек илайидин ўттум, сўкмади. Одатининг хилофи – дуо қилди”.