БОДО (Бандот) Жан Морис Эмил (1845.11.9, Манё, Франсия — 1903.23.3, Париж яқинида) — франсуз ихтирочиси. Кўп қиррали кетма-кет телеграфлаш масаласини амалда биринчи бўлиб ҳал қилган; 1874-йилда икки каррали кетма-кет телеграфлаш аппарати учун, 1876-йилда беш каррали телеграфлаш тизими учун патент олган. Б. аппаратлари биринчи марта ПарижБордо линиясига ўрнатилган (1877). 1927-йилдан телеграфлаш тезлиги бирлиги (бод) Б. номи билан аталган.

Адабиётлар

  • ЎзМЕ. Биринчи жилд. Тошкент, 2000-йил