Boeing 777
Боинг 777 – Боинг Тижорат Самолётлари томонидан ишлаб чиқилган Американинг узоқ масофали кенг фюзеляжли самолётидир. 777 сони Боингнинг бошқа кенг фюзеляжли самолётлари, икки двигателли 767 ва тўрт двигателли 747 самолётларидан фарқланиб туриши учун қўлланади. Бу самолёт 8 та йирик авиакомпаниялар билан маслаҳатлашган ҳолда ишлаб чиқилган ва 1990 – йил январ ойида бўлиб ўтган биринчи учрашувда эътиборга олиниб, 1990-йил 14-октабрда Унитед Аирлинес буюртмаси билан ишга туширилган. Унинг илк прототипи 1994-йил 9-апрелда ишлаб чиқарилган ва биринчи марта 1994-йил 12-июнда парвоз қилган. Узоқроқ масофали вариантлар 2000-йил 29-февралда сотувга чиқарилди ва биринчи марта 2004-йил 29-апрелда етказиб берилди.
У ўнта ўриндиқли жойга эга бўлиб, одатда 301 дан 368 йўловчига мўлжалланган 3 тоифали сиғимга эга. У катта диаметрли турбофан двигателлари, ҳар бир асосий қўниш мосламасида олтита ғилдирак, тўлиқ думалоқ фюзеляжи ва пичоқ шаклидаги қуйруқ конуси билан машхурликка эга. Боинг 777 симли бошқарувга эга биринчи Боэинг самолётидир. У дастлаб Аирбус А340 ва МcДоннелл Дуглас МД-11 билан рақобатлашди, иккаласи ҳам ҳозир ишлаб чиқарилмаябди ва 2012-йил ҳолатига кўра Аирбус А350 ва А330-900 билан рақобатлашади.
Максимал учиш оғирлиги 545,000-660,000 лб (247-299 т) бўлган оригинал Боинг 777 иккита фюзелаж узунлигида ишлаб чиқарилган: Ушбу 777 классика Генерал Элеcтриc ГЕ90, Wҳитней ПW4000 ёки Роллс-Ройcе Трент 800 двигателлари томонидан қувватланган. Узоқ масофали 777-300ЭР, 2004-йилда, ултра узоқ масофали 777-200ЛР 2006-йилда ва 777Ф юк ташувчиси 2009-йилда хизмат кўрсата бошлаган. 2013-йил ноябр ойида Боингнинг −8 ва −9 версиялари ишлаб чиқилиши эълон қилинди, уларнинг иккаласи ҳам қанот учлари йиғиладиган композитга ва Генерал Элеcтриc ГЕ9Х двигателларига эга.
777 бошқа кенг фюзеляжли самолётларга қараганда кўпроқ буюртма қилинган ва етказиб берилган. Апрел 2022-йил ҳолатига кўра, 60 дан ортиқ мижоз барча турдаги 2108 та самолётга буюртма берган, 1683 таси етказиб берилган. Энг кенг тарқалган ва муваффақиятли варианти 777-300ЭР бўлиб, 838 та ушбу самолётга буюртма берилган ва 832 таси етказиб берилган. 2018-йилнинг март ойига келиб, 777, Боиинг 747 ни ортда қолдириб, энг кўп ишлаб чиқарилган кенг фюзеляжли Боинг самолётига айланди. 2018-йил ҳолатига кўра,, 163 та самолёт билан Эмиратес энг йирик оператор эди. 2021-йил ҳолатига кўра , 777 самолёти 31 авиаҳалокат ва ҳодисаларда иштирок этган, шу жумладан, 8 та корпусда йўқотишларга учраган (5 таси парвоз пайтида ва 3 таси ерда), 541 таси ҳалок билан тугаган ва 3 та самолёт ўғирлаб кетилган.
Манбалар
1. Боинг Буюртма ва етказиб беришлар (ҳар ой янгиланади) Боинг Компанияси. Апрел 30, 2022. 2022-йил 10-майда олинди.
2. Боинг Буюртма ва етказиб беришлар (ҳар ой янгиланади) Боинг Компанияси. Июл 31, 2022. 2020-йил 11-августда олинди.