Bombey fenomeni

Бомбей феномени – бу бир геннинг бошқа бир генга таъсиридир. Мисол тариқасида қон гуруҳларининг наслдан-наслга ўтишини ўрганишда ҳиндларнинг бир оиласида кузатилган ҳолатни олишимиз мумкин. Бу оиладаги отанинг қон гуруҳи биринчи – 0 онаники учинчи – Б бўлиб, улардан биринчи – 0 қон гуруҳли қиз туғилган. Шу қиз иккинчи – А қон гуруҳли йигитга турмушга чиққан ва улардан иккита фарзанд туғилиб, биттасининг қон гуруҳи – АБ яъни тўртинчи қон гуруҳи, иккинчисиники эса – 0 яъни биринчи қон гуруҳли бўлган. Қизчаларнинг бирида тўртинчи қон гуруҳи -АБ бўлиши орқали қон гуруҳлари генетикасида анамалия ҳодисаси рўй берганини билишимиз мумкин. Шу оила аъзоларининг айримлари биринчи қон гуруҳига эга бўлсаларда, учинчи (Б) ёки иккинчи (А) қон гуруҳларини белгиловчи рецессив эпистатик (супрессор) гени бўйича гомозиготали деб тахмин қилинади. Демак бу ҳолатда бир ген бошқа бир генни тўсиб қўяди ёки ўша геннинг шакилланишига таъсир қилиб уни белгиларини ўзгаришига олиб келади.