Boris Beloshapka
Борис Иванович Белошапка (1962-йил 9-феврал, Калиновка, Винница вилояти) – совет ва украиналик футболчи, мураббий ва админстратор. Ўйиндаги вазифаси – дарвозабон. СССР спорт устаси, Украина спорт устаси[1].
| Шахсий маълумот | |||
|---|---|---|---|
| Тўлиқ исми | Борис Иванович Белошапка | ||
| Таваллуд санаси | 1962-йил 9-феврал | ||
| Таваллуд жойи | Калиновка, Винница вилояти, Украина | ||
| Бўйи | 1.84 м (6 фт 1⁄2 ин) | ||
| Амплуаси | Дарвозабон | ||
| Профессионал фаолияти* | |||
| Йиллар | Жамоа | Ишт. | (Гол.) |
| 1981—1984 | Днепр Могилев | 105 | (0) |
| 1985 | Динамо Минск | 1 | (0) |
| 1986—1991 | Таврия Симферопол | 221 | (0) |
| 1992—1993 | Мотор Лублин | 24 | (0) |
| 1993—1997 | Маккаби (Яффа) | 115 | (0) |
| 1997 | Зирка Кропйвнйцкйи | 14 | (0) |
| 1997 | → Зирка-2 | 1 | (0) |
| 1997 | Маккаби (Яффа) | 14 | (0) |
| 1998—1999 | Зирка Кропйвнйцкйи | 29 | (0) |
| 1998—1999 | → Зирка-2 | 11 | (0) |
| 1999 | Таврия Симферопол | 0 | (0) |
| 2000—2002 | Қизилқум | 60 | (0) |
| 2003 | Ордабаси | 4 | (0) |
| 2003 | Андижон | 11 | (0) |
| 2004 | Қизилқум | 25 | (0) |
| Бошқарган клублари | |||
| 2000 | Таврия Симферопол (мураббий) | ||
| 2006—2009 | Шахтёр (Донецк) (мураббий) | ||
| 2010—2011 | Мариупол (жамоа бошлиғи) | ||
| 2011—2012 | Мариупол (мураббий) | ||
| 2016—2017 | ТСК Симферопол (мураббий) | ||
| *Профессионал клублардаги голлари (ички чемпионат) | |||
Биографияси
Борис Белошапка Калиновка ёшлар спорт мактабида таълим олган. Унинг биринчи мураббийи Александр Брус бўлган.
1981-йилдан Могилевнинг „Днепр“ клуби сафида иккинчи лига баҳсларида иштирок этади, шунингдек, футболчи жамоа билан 1982-йилги биринчи лига ўйинларини ўтказади ва бир мавсум давомида „Днепр“ жамоаси таркибида бўлади.
1985-йилда Белошапка Олий лига баҳсларида Минскнинг „Динамо“ жамоасига ўтади. Футболчи жамоа сафида жами иккита ўйин ўтказади: биринчи ўйинида —21-август куни 23-турнинг уй учрашувида „Чорноморец“га қарши ўйиннинг (4:1) 72-дақиқасида захирадан майдонга тушади[2], иккинчи ўйинида – 14-сентябр куни СССР кубогининг 8-финали 1-тур меҳмон учрашувида „Факел“ га қарши (3:1) 89-дақиқада майдонга туширилади[3]. Ўйин давомида футболчи ўз дарвозасини ишончли ҳимоя қилади ва рақибнинг барча зарбаларини қайтаришга муваффақ бўлади.
1986—1991-йилларда Симферополнинг „Таврия“ клуби таркибида чемпионатнинг жами 221 учрашувида 218 та гол ўтказиб юборган[4]. 1986—1987-йилги СССР кубогининг иккинчи лига басларида жамоаси билан ярим финалгача етиб боради. 1/4 финал доирасидаги „Металлист“га қарши кечган ўйинда Белошапка пеналтилар сериясида рақибнинг 3 та зарбасини қайтаришга муваффақ бўлади.
1992-йилда Белошапка Люблиннинг „Мотор“ (Полша) клубига йўл олади ва жамоа таркибида бир йил давомида ўз ўйинларини олиб боради. Дарвозабон кейинги тўрт мавсумни Яффанинг „Маккаби“ (Исроил) клубида ўтказади. 1997-йилда Кировограднинг „Звезда“ жамоасига кўчиб ўтиб, кейинчалик яна „Маккаби“га қайтиб келади ва жамоа таркибида 14 та ўйинда майдонга тушади.
Белошапка 1999—2000-йилги мавсумгача „Звезда“ жамоасида ўйнаб, шундан сўнг „Таврия“га қайтади ва дарвозабонлар учун мураббий сифатида ишлай бошлайди.
Спорт фаолияти давомида, шунингдек, 2000—2002 ва 2004-йилларда Зарафшоннинг „Қизилқум“ (Ўзбекистон) ва 2003-йилда Андижоннинг "Андижон" (Ўзбекистон) клублари сафида, кейинчалик Чимкентнинг "Ордабаси" (Қозоғистон) ва 2000-йилда „Костуин“ клубларида ҳам тўп сурган.
Орадан бир мунча вақт ўтгач, Белошапка яна Украинага қайтади ва „Кривбас“ жамоаси билан ишлай бошлайди. 2005-йилдан буён эса Донецкнинг „Шахтёр“ клуби академияси учинчи жамоаси таркибида ўйинларга тушади.
Белошапка фаолияти давомида ёшлар чемпионатининг икки карра ғолиблигини қўлга киритган.
2010—2012-йилларда „Илличивец“ клубида админстратор ва дарвозабонлар мураббийи бўлиб фаолият олиб борган.
2016-йил март ойидан – 2017-йил июн ойига қадар „ТСК-Таврия“ жамоасида дарвозабонлар мураббийи, 2017-йил июлидан эса жамоанинг бош админстратори вазифаларини бажарган.
Оиласи
Белошапканинг Артём исмли бир нафар ўғли бўлиб, у ҳам футбол ўйинларида дарвозабон вазифасини бажаради.
Ютуқлари
- 1982-йилги Иккинчи лига ўйинлари ғолиби;
- 1987-йилги Украина ССР чемпионати ғолиби;
- 1987-йилги Украина ССР турнири кумуш медали соҳиби;
- 2002-йилги Ўзбекистон чемпионати бронза медали совриндори[1].
Манбалар
- ↑ 1,0 1,1 „Основной состав " Команда — Футбольный клуб «ТСК-Таврия» — официальный сайт“. 2018-йил 28-январда асл нусхадан архивланган. Қаралди: 2018-йил 20-январ.
- ↑ „«Динамо» Минск — «Черноморец» Одесса — 4 : 1 21.08.1985 Чемпионат СССР 1985“. 2019-йил 10-январда асл нусхадан архивланган. Қаралди: 2018-йил 20-январ.
- ↑ „«Факел» Воронеж — «Динамо» Минск — 1 : 3 14.09.1985 Кубок СССР 1985/86“. 2019-йил 10-январда асл нусхадан архивланган. Қаралди: 2018-йил 20-январ.
- ↑ „Белошапка Борис Иванович — Таврия“. 2019-йил 10-январда асл нусхадан архивланган. Қаралди: 2018-йил 20-январ.
Ҳаволалар
- 9-fevralda tugʻilganlar
- 1962-yilda tugʻilganlar
- Vinnitsa viloyatida tugʻilganlar
- Yashayotgan insonlar
- Alifbo boʻyicha futbolchilar
- Alifbo boʻyicha futbol murabbiylari
- SSSR sport ustasi
- SSSR erkak futbolchilari
- Ukrainalik erkak futbolchilar
- Erkak futbol darvozabonlari
- FC Dnepr Mogilev futbolchilari
- FC Dinamo Minsk futbolchilari
- SC Tavriya Simferopol futbolchilari
- Motor Lublin futbolchilari
- Maccabi Jaffa F.C. futbolchilari
- FC Zirka Kropyvnytskyi futbolchilari
- FC Zirka-2 Kropyvnytskyi futbolchilari
- Ordabasi klubi futbolchilari
- Andijon klubi futbolchilari
- Qizilqum klubi futbolchilari
- Oʻzbekistondagi muhojir erkak futbolchilar