Boris Konstantinov

Борис Павлович Константинов [1910.23.6(6.7), Петербург - 1969-йил, 7-сентябр, Ленинград] — рус физиги, академик (1960). Асосий илмий ишлари акустика, физиккимё, ядро физикаси, плазмалар физикаси, астрофизика, голография ва бошқаларга оид. Биринчи бўлиб товуш мутлақ силлиқ ва қаттиқ сиртдан қайтганда унинг ютилишини аниқлаган, берк биноларда товуш реверберациясининг тўлқин назариясини яратган; у эритмаларда ионларнинг ҳаракатчанлигини текшириб, кимёвий элементларнинг миқдорини ва уни сифат жиҳатдан таҳлил қилиш усулини ишлаб чиққан; турғун изотопларнинг физиккимёвий хоссаларини тадқиқ қилган; плазманинг корпускуляр диагностикасини тавсия этган, плазманинг оптик ва микротўлқин диагностикаси усулини ривожлантирган. Константинов раҳбарлигида фотография, телевизион ва фототелевизион голографик системаларнинг параметрлари аниқланди.