Boris Yakobi

Борис Семёнович Якоби (1801.21.9, Поцдам 1874.27.2, Петербург) — рус физиги ва электротехниги, Петербург Фанлар академияси мухбир аъзоси (1842), академик (1847). Гёттинген унтида ўқиган. Дерпт университети (Кёнигсберг) профессор (1835). 1837-йилдан Петербургда яшаган. Илмий ишлари электромагнетизм ва унинг амалиётда қўлланишига доир. Электр двигател ихтиро қилган (1834), тескари электр юритувчи куч (э. ю. к.) ҳосил бўлиши ҳодисасини кашф этган. Галванопластикани ихтиро қилган (1938) ва уни босма, тангачақа зарб қилиш, бадиий буюмларни тайёрлашда қўллаш билан шуғулланган. Қатор телеграф аппаратларни лойиҳалади, биринчи бўлиб ер ости (кабелли) телеграф алоқасини ўрнатди, галванометрнинг бир неча конструксияларини, волтметр, қаршилик ростлагичи, қаршиликнинг сим эталони каби электротехника асбоб ва қурилмаларини яратди. У электротехникага оид билимларни ривожлантиришга катта ҳисса қўшди.