Botanik kolleksiya
Ботаник коллексия — илмий ва амалий аҳамиятга молик ўсимлик формалари ва турларини мунтазам равишда йиғиб бориш. Улар ўсимликларнинг жаҳон генетик фондини сақлаш, ўрганиш, селексия ишларида фойдаланиш, тадқиқ этиш мақсадида йиғилади. Ўзбекистон ўсимликшунослик илмий тадқиқот институтида маҳаллий ва чет элларда экиладиган 120 экиннинг 50 мингдан ортиқ нав’ намуналари тўпланган. Ўзбекистон ғўза селексияси ва уруғчилиги илмий тадқиқот институтида эса ғўзанинг маданий ва ёввойи турларини ноёб жаҳон коллексияси (10000га яқин намуна) тўпланган. Ботаник коллексия янги материаллар билан узлуксиз тўлдириб борилади, уруғларнинг унувчанлик қобилияти ва тўпланган намуналарнинг биологик айнанлиги ўзидан чангланиш ҳамда нотипик ўсимликларни олиб ташлаш йўли билан сақлаб турилади, шунингдек илгари текшириб чиқилган мамлакатларга экспедициялар уюштириб, тўпланадиган материаллар ҳисобига тўлдирилади. Ўсимликларнинг қимматли формалари (генетик плазмалар)ни уларнинг келиб чиқиш марказлари (Мексика, Гватемала, Эквадор, Боливия, Гондурас, Перу, Бразилия, Аргентина, Венесуэла, Австралия, Африка, Марказий Осиё ва бошқалар)да табиий популяцияларп орасидан қидирилади. Жаҳон коллексияси материалларидан янги селексия навларини чиқаришда фойдаланилади.
Адабиётлар
- ЎзМЕ. Биринчи жилд. Тошкент, 2000-йил
|
Бу мақолада бошқа тил бўлимларига ишорат йўқ. Сиз уларни топиб ва ушбу мақолага қўшиб, лойиҳага ёрдам беришингиз мумкин. |
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |