Брашпил (голландча — браадспил) — кема якорини кўтарувчи, занжир ва сим арқонларни йиғиб олувчи чиғир. Горизонтал валга ўрнатилган икки барабани ҳам бўлади. Кеманинг тумшуқ қисмига ўрнатилади. Катта кемаларда буғ поршенли машиналар ёки электр двигателлари билан, кичик кемаларда дастаки мотор ёки асосий двигател билан ҳаракатга келтирилади.

Адабиётлар

  • ЎзМЕ. Биринчи жилд. Тошкент, 2000-йил