Ziyosfera

Bread, Love and Dreams (serial)

Bread, Love and Dreams (koreyscha: 제빵왕 김탁구) – 2010-yilda suratga olingan drama janridagi koreys seriali. Serialda Yoon Shi-yoon, Joo Won, Eugene va Lee Young-ah rol oʻynashgan. Serialda qatʼiyatli yosh novvoy Kim Tak-guning Koreyadagi eng yaxshi novvoy boʻlish maqsadida koʻplab qiyinchlik va sinovlarni yengib oʻtgani aks ettirilgan. Serial voqealari 1970—1990-yillarda boʻlib oʻtib, voqealar unda bosh qahramonning tugʻilishidan boshlanib, 20 yoshlarning oʻrtalariga yetganigacga boʻlgan davrni qamrab oladi. 30 qismli serial KBS2 telekanalida 2010-yil 9-iyundan 16-sentyabrgacha chorshanba va payshanba kunlari soat 22:00da (Janubiy Koreya vaqti bilan) efirga uzatilgan.

Bread, Love and Dreams
Janri Romantika, melodrama
Yaratuvchi(lar) Kwak Ki-won
Jeong Sung-hyo
KBS Production
Rejissyor Lee Jung-sub
Ssenariynavis(lar) Kang Eun-kyung
Rollarda Yoon Shi-yoon
Joo Won
Eugene
Lee Young-ah
Bastakor(lar) Lee Pil-ho
Mamlakat Janubiy Koreya bayrogʻi Koreya Respublikasi
Til Koreys tili
Mavsumlar soni 1
Qismlar soni 30
Ishlab chiqarish
Ijrochi prodyuser(lar) Jeong Hae-ryong (KBS)
Prodyuser(lar) Ahn Jae-hyun
Shin Sang-yoon
Qism davomiyligi 60 daqiqa
Studiya(lar) Samhwa Networks
Efirga uzatilishi
Telekanal KBS2
Translyatsiya davri 2010-yil 9-iyun — 2010-yil 16-sentyabr

Serial 2010-yilda Janubiy Koreyada eng koʻp tomosha qilingan seriallardan biri boʻlib, oxirgi qismni koʻrgan tomoshabinlar reytingi 50,9%ni tashkil etgan hamda barcha davrlarning eng yuqori baholangan 25-dramasiga aylangan. Bu serial tufayli bosh qahramonni oʻynagan aktyor Yoon Shi-yoon mashhurlikka erishgan, shuningdek, serialdagi samimiy ijrosi uchun koʻp maqtovlarga sazovor boʻlgan[1][2].

Syujeti

1970-yillarning boshlarida Geosung Foods kompaniyasi rahbari Gu Il-jong oʻgʻil farzand koʻrishga qaror qildi, sababi uning rafiqasi Seo In-sook kompaniyani meros qilib olishi kerak boʻlgan oʻgʻilni tugʻib bera olmaydi. Natijada Gu Il-jong uyida xizmatkor boʻlib ishlaydigan yosh qiz Kim Mi-sun bilan yaqin munosabatlar oʻrnatadi. Seo In-sook ularning xizmatkorlaridan biri eridan farzand kutayotganini bilgach, u MKim Mi-sunni yoʻq qilishga qaror qiladi, lekin xizmatkor qochib ketishga muvaffaq boʻladi va tez orada oʻgʻil farzandni dunyoga keltiradi, farzandiga Tak-gu (Gu Il-jongning istagi sababli) deb ism qoʻyadi. In-sookning oʻzi Il-jongning shaxsiy yordamchisi Han Seung-jaedan oʻgʻil koʻradi.

12 yil oʻtgach, qiyin ahvolga tushib qolgan Mi-sun oʻgʻli Tak-guni otasining uyiga olib kelishga qaror qiladi. Gu Il-jong Mi-sun va oʻgʻlini darhol taniydi, lekin uyda Il-jong va uning keksa onasi Hong xonimdan boshqa hech kim Tak-guning kelganiga xursand boʻlishmaydi. In-sook qanday qilib boʻlsa ham Tak-gudan qutulishga qaror qiladi va Seung-jae yordamida bunga erishadi. Tak-gu ota-onasi tirik boʻlsada, tirik yetimga aylanadi. Onasini qidirayotib, Tak-gu tasodifan afsonaviy novvoy Pal-bongni uchratib qoladi, novvoy uning non pishirish qobiliyatini darhol payqaydi va Tak-guga unga shogird boʻlishni taklif qiladi. Bu uchrashuv Tak-guning taqdirini tubdan oʻzgartirib yuboradi, vaqt oʻtishi bilan Pal-bong Gu Il-jongning ustozi ekanligi maʼlum boʻladi.

Novvoyxonaga Ma-jun Seo Tae-jo nomi bilan yashirincha oʻqishga keladi, kelishdan maqsadi uning Gu Il-jongga merosxoʻr boʻlishga qodir ekanligini isbotlash edi, shu tufayli novvoyxonada aka-ukalarning haqiqiy qarama-qarshiligi boshlanadi.

Rollarda

Bosh rollarda

Gu oilasi

Yang oilasi

  • Jang Hang-sun – Pal-bong (Yang Mi-sunning bobosi)
  • Park Sang-myun – Yang In-mok (Yang Mi-sunning otasi)
  • Hwang Mi-sun – Oh Young-ja (Yang Mi-sunning onasi)

Boshqalar

  • Jung Sung-mo – Han Seung-jae
  • Park Sung-woong – Jo Jin-goo
  • Lee Han-wi – Heo Gab-soo
  • Jeon Mi-seon – Kim Mi-sun
  • Jung Hye-sun – Hong xonim (Gu Il-jongning onasi)
  • Kwon Yong-woon – Shin Bae (Yoo-kyungning otasi)
  • Park Yong-jin – Go Jae-bok

Oʻzbekcha tarjimasi

Serialning oʻzbekcha tarjimasi „Non isi“ nomi bilan 2011-yil 5-sentyabrda Oʻzbekiston telekanalida efirga uzatilgan[3]. Serialga dublyaj aktyorlari Dilbar Ismoilova, Elyor Nosirov, Behzod Muhammadkarimov, Zulxumor Moʻminova ovoz berishgan.

Saundtrek

  1. V. O.S – At The End of The Day
  2. KCM va Soul Drive – Love You to Death
  3. Lee Seung-chul – That Person
  4. Bada – Only One
  5. Kyuhyun (Super Junior)— Hope is a Dream That Doesnʼt Sleep
  6. Michelle Yoo-jin – For Me
  7. Yoon Shi-yoon – Only You
  8. Lee Young-ah – It Was Love
  9. Joo Won – My Love
  10. Code V – Now Go and See

Mukofotlari

2010-yil 3-Korea Drama Awards:

  • Eng yaxshi yangi aktyor (Yoon Shi-yoon)
  • Drama serialining eng yaxshi rejissyori (Lee Jung-sub)
  • Drama serialining eng yaxshi ssenariychisi (Kang Eun-kyung)

2010-yil 18-Koreya madaniyati va koʻngilochar mukofoti:

  • Mashhurlik uchun mukofot, aktyor (Yoon Shi-yoon)

2010-yil KBS drama mukofoti:

  • Top Excellence mukofoti, aktrisa Jeon In-hwa
  • Excellence Award, Maxsus dramatik postanovkadagi aktyor (Yoon Shi-yoon)
  • Excellence Award, Maxsus dramatik postanovkadagi aktrisa (Eugene)
  • Eng yaxshi ssenariychi (Kang Eun-kyung)
  • Eng yaxshi yosh aktyor (Oh Jae-moo)
  • Eng yaxshi juftlik (Yoon Shi-yoon va Lee Young-ah)

2011-yil 47-Baeksang sanʼat mukofoti:

  • Eng yaxshi televizion rejissyor (Lee Jung-sub)

Taʼsiri

Serial Janubiy Koreyada yaxshi kutib olindi va tomoshabinlar reytingi rekord darajani 50,8% tashkil qildi[4]. Tomoshabinlar serialni jamiyatdagi oddiy odamlar va boylar oʻrtasidagi qarama-qarshilik mavzusi tufayli tomosha qilishgan[5]. Naver serialni 2010-yildagi Janubiy Koreyadagi eng mashhur soʻrovlar roʻyxatiga kiritgan[6].

2010-yil 20-dekabrda serial ijodkorlari madaniy kontent yaratishda qoʻshgan hissalari uchun prezident mukofotini olishgan[7].

Shuningdek, serial „KBS Drama Special“ va „KBS HD Drama“da eng koʻp tomoshabinlar reytingi boʻyicha birinchi oʻrinni egallagan.

Reytingi

Qism. Efir sanasi Tomoshabinlarning oʻrtacha ulushi
Nielsen Korea[8] TNmS[9]
Mamlakat miqyosida Seul Mamlakat miqyosida Seul
1 2010-yil 9-iyun 13.8% Red XN 16.3% 14.2%
2 2010-yil 10-iyun 14.4% 14.5% 16.9% 18.4%
3 2010-yil 16-iyun 26.4% 28.3% 28.5% 29.1%
4 2010-yil 17-iyun 24.2% 26.3% 25.3% 26.4%
5 2010-yil 23-iyun 27.1% 28.4% 28.5% 28.50%
6 2010-yil 24-iyun 31.1% 31.8% 32.2% 32.5%
7 2010-yil 30-iyun 31.0% 32.2% 33.4% 33.6%
8 2010-yil 1-iyul 31.6% 30.8% 35.8% 35.9%
9 2010-yil 7-iyul 33.4% 34.7% 38.1% 38.6%
10 2010-yil 8-iyul 33.0% 33.8% 34.5% 34.9%
11 2010-yil 14-iyul 34.1% 34.0% 35.9% 35.2%
12 2010-yil 15-iyul 35.3% 35.2% 36.9% 36.1%
13 2010-yil 21-iyul 37.3% 37.0% 38.5% 37.7%
14 2010-yil 22-iyul 37.9% 38.2% 38.4% 36.5%
15 2010-yil 28-iyul 36.6% 35.7% 39.7% 39.2%
16 2010-yil 29-iyul 37.9% 38.1% 39.9% 38.6%
17 2010-yil 4-avgust 39.5% 39.8% 42.5% 42.3%
18 2010-yil 5-avgust 40.5% 40.2% 44.4% 44.0%
19 2010-yil 11-avgust 42.3% 42.4% 44.9% 44.0%
20 2010-yil 12-avgust 42.6% 43.9% 44.6% 43.8%
21 2010-yil 18-avgust 41.9% 42.4% 44.0% 42.6%
22 2010-yil 19-avgust 42.3% 41.9% 43.7% 42.9%
23 2010-yil 25-avgust 43.6% 44.6% 44.1% 44.1%
24 2010-yil 26-avgust 41.9% 41.9% 44.7% 44.2%
25 2010-yil 1-sentyabr 44.0% 44.4% 45.8% 44.9%
26 2010-yil 2-sentyabr 45.0% 46.1% 48.4% 47.2%
27 2010-yil 8-sentyabr 43.3% 43.2% 47.5% 47.0%
28 2010-yil 9-sentyabr 44.7% 44.5% 48.2% 46.4%
29 2010-yil 15-sentyabr 45.3% 44.2% 46.5% 45.5%
30 2010-yil 16-sentyabr 49.3% 48.3% 50.8% 49.7%
Oʻrtacha % 36.4% 36.7% 38.6% 32.2%
  • Jadvaldagi koʻk raqamlar eng past reytingni, qizil raqamlar esa eng yuqori reytingni ifodalaydi.

Remeyklari

Serial Osiyodagi koʻplab mamlakatlarda efirga uzatilgan, ularning baʼzilarida serialning remeyklari suratga oligan[10]. Jumladan, 2013-yil dekabr oyida xuddi shu nomdagi turk seriali va 2015-yilning yozida Filippin seriali (koreys seriali ssenariysi asosida) suratga olingan.

Manbalar

  1. ↑ „The Chosun Ilbo (English Edition): Daily News from Korea – Who Grabbed the Spotlight in 2010?“. 2023-yil 13-avgustda asl nusxadan arxivlangan. Qaraldi: 2013-yil 31-yanvar.
  2. ↑ „Writer Kang Eun-kyung: 'Yoon Si-yoon Is Miraculous Actor'“. 2013-yil 20-yanvarda asl nusxadan arxivlangan. Qaraldi: 2013-yil 7-iyun.
  3. ↑ „Haftalik teledasturlar“. Toshkent oqshomi gazetasi, №180 (11.991) 3-bet (2011-yil 2-sentyabr). 2025-yil 8-noyabrda asl nusxadan arxivlangan. Qaraldi: 2025-yil 1-noyabr.
  4. ↑ „Top 10 Most Popular Searches of 2010“. Arirang TV (2010-yil 29-dekabr). 2012-yil 6-oktyabrda asl nusxadan arxivlangan. Qaraldi: 2013-yil 17-yanvar.
  5. ↑ Chung, Jin-hong. „The lesson of the happiest bread“. Korea JoongAng Daily (2010-yil 22-sentyabr). 2011-yil 21-yanvarda asl nusxadan arxivlangan. Qaraldi: 2013-yil 17-yanvar.
  6. ↑ Lee, Chang-sup. „What Korea is searched in 2010“. The Korea Times (2010-yil 16-dekabr). 2012-yil 1-oktyabrda asl nusxadan arxivlangan. Qaraldi: 2013-yil 17-yanvar.
  7. ↑ „Drama 'Kim Tak-goo' receives presidential honors“. Korea JoongAng Daily (2010-yil 23-dekabr). 2011-yil 19-yanvarda asl nusxadan arxivlangan. Qaraldi: 2013-yil 17-yanvar.
  8. ↑ „AGB Daily Ratings: this links to current day-select the date from drop down menu“ (ko). Nielsen Korea. 2013-yil 26-dekabrda asl nusxadan arxivlangan. Qaraldi: 2012-yil 31-oktyabr.
  9. ↑ „TNMS Daily Ratings: this links to current day-select the date from drop down menu“ (ko). TNMS Ratings. 2013-yil 28-noyabrda asl nusxadan arxivlangan. Qaraldi: 2012-yil 31-oktyabr.
  10. ↑ „«Хліб, кохання і мрії» піднявся в азійських серцях“. HanCinema. Qaraldi: 2019-yil 24-mart. 
"https://new.ziyosfera.uz/ziyo/Bread,_Love_and_Dreams_(serial)" dan olindi