Brey Jon Frensis

БРЕЙ (Вгау) Жон Френсис (18091895) — инглиз иқтисодчиси, социал утопист, Р. Оуэн издоши. Вашингтонда инглиз эмигранти оиласида туғилган. 30- йилларда ишчилар ҳаракатига қатнашди, шу пайтнинг ўзида чартистлар билан ҳам яқин алоқада бўлди. Б. "Меҳнатга муносабатдаги ноҳақликлар ва уларни бартараф этиш воситалари" асари (1839)да капиталистик жамиятнинг иқтисодий ислоҳ этиш дастурини олға сурган. Б. фикрича, ишлаб чиқариш воситаларига хусусий мулкчиликни ва унга асосланган ёлланма меҳнат тизимини товар-пул муносабатларини ислоҳ этиш, айирбошлашда эквивалентликка аниқ риоя килиш, шунингдек капиталистик хўжалик юритиш шакллари ўрнига ишчилар аксиядорлик жамиятлари барпо этиш йўли билан тугатиш мумкин. Б. ғоялари кейинчалик П. Ж. Прудонинг утопик социализм назариясида ривожлантирилган.

Адабиётлар

• ЎзМЕ. Биринчи жилд. Тошкент, 2000-йил