Bronxoadenit

Бронхоаденит (бронх ва юнонча Аден — без) — бронхлар (трахея атрофида, кўкс оралиғининг орқа ва олдида жойлашган) лимфа тугунларининг яллиғланиши. Кўпроқ сил касаллигида, зотилжам, бронхит, бронхопневмония, нафас йўлларининг яллиғланиши билан кечадиган кўкйўтая, қизамиқ ва бошқаларда учрайди. Бронхоаденитда кураклараро бўшлиқ оғрийди, беморни асосан оғриқли йўтал безовта қилади. Лимфа безлари катталашади. Сил бронхоаденитида лимфа тугунлари катталашиб, унинг тўқимаси ҳам нобуд бўлади ва сузмасимон йирингга айланади. Бошқа касалликларда бемор асосий касалликдан тузалиши билан лимфа тугунлари деярли аслига қайтади. Бронхоаденитни асосан рентген қилиб (рентгеноскопия, рентгенография, флюорография) аниқланади. Сил бронхоаденит и билан оғриган бемор махсус сил касалхоналарида даволанади. Организмнинг умумий қувватини оширувчи дорилар, силга қарши даво буюрилади.

Адабиётлар

• ЎзМЕ. Биринчи жилд. Тошкент, 2000-йил