Brunelleski Filippo
Брунеллески Филиппо (Брунеллесчи) Филиппо (1377 — Флоренсия — 1446.15.4) — италиялик меъмор, ҳайкалтарош, олим. Уйғониш даври меъморлиги ва келажак акс этган меъморий назария асосчиларидан. Ижодини ҳайкалтарошликдан бошлаган. Қадимий меъморий анъаналардан янгича ёндошиб фойдаланган. 1420—1436-йиллари Санта Мария дел Форе собори (диаметри 42 м га яқин) гумбазини яратган. Брунеллески Филиппо қурган Тарбия уйи (лойиҳаси — 1419) ва СанЛоренсо черковининг сакристийи (ибодат кийимлари ва асбобанжомлари сақланадиган бино), Оспедале дели Инноченти (1421—44)да Уйғониш даври меъморлик санъатининг бадиий анъаналари ўз ифодасини топган. Брунеллески Филиппо 1429—1430-йилларда СантаКроче черкови ҳовлисидаги Пацси капелласини бунёд этди, турли йилларда Сан Лоренсо ва Санто Спирито черковларининг интерерларини қайта қурди. Брунеллески Филиппо асарлари образларининг гармоник ёрқинлиги, нисбатларининг қатъийлиги, қурилиш усулларининг мукаммаллиги билан ажралиб туради[1].
Манбалар
- ↑ Файл:Натионал Энcйcлопедиа оф Узбекистан лого.пнг „Брунеллески Филиппо“, Ўзбекистон миллий энсиклопедияси. (Б-ҳарфи). Тошкент: „Ўзбекистон миллий энсиклопедияси“ Давлат илмий нашриёти, 2000–2006-йиллар.
Адабиётлар
- ЎзМЕ. Биринчи жилд. Тошкент, 2000-йил
Ҳаволалар
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |