Bugʻu kuni
Буғу куни — Ненец автоном округи ва Коми республикасидаги буғучилик хўжаликлари ишчиларинг касб байрами. 2-август куни Илйин куни билан бирга нишонланади. Буғу кунини нишонлаш бугу' подаларини ёзги яйловлардан қишлаш учун махсус яйловларга кўчириш бошланган кунга тўғри келади.
Тарихи
1932-йилдан бошлаб август ойининг биринчи якшанбаси Буғу куни сифатида нишонланган. 1958-йилдан 1994-йилгача байрам Буғубоқар куни деб номланган (Ямало-Ненец автоном округида ҳозир ҳам шундай ном билан аталади). Буғу кунини 2-августда нишонлаш расман 2007-йилда белгиланган[1].
Байрам
Узоқ вақт давомида байрам қилиниши туфайли тантаналар ўтказиладиган анъанавий жойлар ҳам белгиланган. Буғу кунининг мажбурий қисми — биринчи ярим йилликда амалга оширилган ишлар натижалари, қишлов кампанияси натижалари, катта ва ёш буғуларнинг хавфсизлигини таъминлаш бўйича қилинган ишлар сарҳисобига доир йиғилиш ўтказилишидир. Буғу кунида давлат ҳокимияти ва бошқаруви идораларининг юқори мансабдор шахслари ва буғу чорвадорлари ўртасида амалий учрашувлар ҳам ўтказилади. Баъзан Буғу куни тантаналарига бошқа маросимлар (тўйлар, юбилейлар, оқсоқолларни эъзозлаш ва ҳоказо) уланиб кетади.
Байрам кунлари буғучилар оромгоҳларида миллий спорт турлари бўйича мусобақалар — чаналар узра сакраш, қозиққа арқон улоқтириш, буғу чаналарида югуриш, миллий кураш мусобақалари ўтказилади. Бундан ташқари, халқ бадиий ҳаваскорлик жамоаларининг чиқишлари ва халқ сайиллари ташкил этилади. Савдо-сотиқ ва байрам зиёфатлари уюштирилади. Шунингдек, буғучилар ва уларнинг оилалари тиббий кўрикдан ўтказилади[2].
Яна қаранг
Манбалар
- ↑ Закон НАО от 14-декабря 2007 года Н 170-оз О традиционном празднике — Ден Оленя
- ↑ „Жители тундри отмечают Ден оленя“. 2015-йил 20-январда асл нусхадан архивланган. Қаралди: 2022-йил 30-май.
Адабиётлар
- Ненецкий автономный округ. Энциклопедический словарь. М.: Аванта+, 2001. ИСБН 5-8483-0040-2.
Ҳаволалар
- Кийик пойгаси
- Эуронеwс НАО Кийик кунини қандай нишонлашини кўрсатди (Wайбаcк Мачине сайтида 2018-06-25 санасида архивланган)
- 2-август куни Россиянинг буғу чорвачилари Кийик кунини нишонлайдилар (Wайбаcк Мачине сайтида 2021-01-26 санасида архивланган)
- Шимол буғулари куни яқинлашмоқда
- Комида буғу куни нишонланади