Buzoq
Бузоқ — сигирнинг 6 ойликкача бўлган боласи. Йирик зотли бузоқ оғирлиги туғилишда 35–45 кг, майда зотлисининг оғирлиги 25–35 кг бўлади. Бузоқ туғилиши билан оғизбурнидаги шилимшиқ сочиқ билан артилади, туғилганда киндиги узилмаган бўлса қорин томондан 10—12 см қолдириб кесилади, кесилган жойига ёд эритмаси суртилади, сўнгра ялаб тозалаш учун онаси олдига қўйилади. Туғилгандан кейин 1—1,5 соат ўтгач, биринчи марта онасига эмдирилади. Б. чорвачилик фермаларида қуруқ, тоза похол тўшалган катакда биринчи ҳафта ичида огиз сути билан боқилади. Сўнгра умумий бузоқхонага кўчирилиб, алоҳида катакда, кейин 5—6 бузоқ биргаликда сақланадиган катакларда боқилади. 20 кунлик бўлгунча суткасига 6—8 л дан қаймоғи олинмаган сут билан, 30 кунлик бўлганда бундай сут камайтирилиб, сун’ий сут билан боқилади. Иккинчи ўн кунликдан бошлаб сифатли ўт, майин пичан, учинчи ўн кунликда аралаш озуқалар ейишга ургатилади. Икки ойлигидан эса Б.лар рационига илдизмевалар, яхши силос, аралаш ем, туз ва бошқа қўшилади. Яхши парваришланган ва соглом Б.лар вазни 6 ойлигида 125–150 кг га етади.
Адабиётлар
- ЎзМЕ. Биринчи жилд. Тошкент, 2000-йил
Ҳаволалар
- [1] (Wайбаcк Мачине сайтида 2011-12-02 санасида архивланган)
 | Ушбу мақолада Ўзбекистон миллий энсиклопедияси (2000-2005) маълумотларидан фойдаланилган. |
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |