Caruso sousi
Cарусо соуси (испанча: салса Cарусо) — қаймоқ, дудланган чўчқа гўшти, пишлоқ, мол гўштидан булён ва қўзиқоринлардан тайёрланган илиқ соус. Рецептлар ёнғоқ ва пиёзни ўз ичига олиши мумкин. Макарон билан дастурхонга тортилади[1].
Тарихи
1950-йилларда Cарусо соуси биринчи марта Уругвайда Монтевидеодаги Конституция ва Такуарембо кўчалари чорраҳасида жойлашган „Марио э Алберто“ ресторани ошпази Раймундо Монти томонидан яратилган. Монти италян ошхонасининг долзарб анъаналарига риоя қилиб, янги рецепт яратмоқчи эди[2]. 1910-йилларда таом гастрол сафаридан сўнг Жанубий Америкада машҳур бўлган таниқли неаполлик тенор Энриcо Cарусо (1873-1921) шарафига номланган[2][3].
Соус дастлаб бешамелнинг бир тури деб ҳисобланган, аммо унинг таъми бутунлай бошқача. Пазандачилик семинарларида Cарусо соуси „янги ихтиро“ деб номланган ва халқаро пазандачиликда тан олинган[2]. У Жанубий Америка ва Ғарбий Европанинг кўпгина давлатларида тобора оммалашиб бормоқда. Уругвай ва Аргентина ўртасидаги умумий маданий макон туфайли Буэнос-Айрес ресторанларининг менюсидан Cарусо соусини топиш қийин эмас. Уни баъзи Бразилия ресторанларидан ҳам топиш мумкин.
„Смак“ пазандалик дастурининг биринчи сонида Андрей Макаревич сосиска, пиёз ва томат пастасидан ташкил топган Cарусо соуси билан макарон пиширди[4].
Ингредиентлар ва тайёрлаш
Қаймоқ ва сут аралашмаси қайнатилади — қуюқроқ соус чиқиши учун фақат қаймоғи олинади. Қайнаётган аралашмага озроқ сувда аралаштирилган маккажўхори крахмали солинади. Кейинроқ гўшт экстракти ёки булён кубчаси қўшилади. Аралашма доимо ёғоч қошиқ билан ағдариб турилиши керак. Соус қуюқлашганидан сўнг, унга тўғралган ветчина ва қўзиқорин қўшилади. Кейин пишлоқ қириндиси солинади ва соус яна бир неча дақиқа оловда қолдирилади. Cарусо соусига таъбга кўра туз, қалампир ва мускат ёнғоғи солинади. Соус тайёрлашга кўп вақт кетмайди, уни олдиндан тайёрлаб қўйиб дастурхонга тортишдан олдин исица ҳам бўлади[5].
Манбалар
- ↑ „Спагетти Cарусо“. 2021-йил 14-апрелда асл нусхадан архивланган. Қаралди: 2022-йил 7-май.
- ↑ 2,0 2,1 2,2 ҳттп://www.монтевидео.cом.уй/нотиcиа_16038_1.ҳтмл
- ↑ архив нусхаси, 2014-08-06да асл нусхадан архивланди, қаралди: 2022-05-07
- ↑ Макаревич — Кадр. (Смак, Макарони под соусом Cарусо)
- ↑ Монтевидео CОММ. Салса Cарусо
 | Ушбу мақола çаладир. Сиз уни бойитиб, ЗиёСферага ёрдам бериşингиз мумкин. Бу андозани аниқроғига алмаштириш керак. |