Case Corporation

"КЕЙС КОРПОРЕЙСҲН" (инглизча: Cасе Cорпоратион) - қишлоқ хўжалиги ва қурилиш техникасини ишлаб чикарувчи жаҳондаги энг йирик компаниялардан бири. 1842 йил Ж.Кейс томонидан ташкил қилинган. Марказий бошқарув идораси АҚШнинг Висконсин штати Расин ш.да, Европадаги идораси Парижда. Компания маҳсулотлари дунёнинг 150 дан ортиқ мамлакатларига сотилади. "К. к." турли мақсадларда қўлланиладиган дон ва озуқа ўриш, пахта териш, шоли ўриш комбайнлари, 40 от кучидан 440 от кучигача эга бўлган тракторлар, зичлаб йиғадиган техникаларни, пуркагичлар, лавлаги қазийдиган комплекслар, тупроққа ишлов берадиган агрегатлар, анъанавий ва пневматик экиш агрегатларини, култиваторлар, бошқа турдаги қишлоқ хўжалиги техникаларини ишлаб чиқаради.

"К. к." АҚШда 10 та, Европада 3 та, Бразилияда ва Австралияда биттадан и.ч. корхоналарига эга. 1997 йилдан бошлаб корпорацияга "Конкорд" (АҚСҲ), "Штаер" (Австрия), "Фермек ва Жем Спрайрз" (Буюк Британия), МДВ ва "Форштрит" (Германия), "Фексиком" (Канада) каби йирик и.ч. корхоналари қўшилди. Компания таркибига дизел моторлари ишлаб чиқарадиган "Камминс" ва ем-хашак экинлари ўрадиган техникаларни ишлаб чиқарувчи корхоналар ҳам киради. 2000 йилда корпорация таркибида ХХРда катта хажмдаги оғир юкларни ортувчи техника ишлаб чиқарадиган қўшма корхона ташкил қилинди. Украинада ташкил қилинган трактор ишлаб чиқарадиган "ДнипроКейс" қўшма корхонаси ҳамда 2000 йилда Ўзбекистонда ташкил қилинган, тракторлар ва пахта териш машиналари ишлаб чиқарадиган "Ўз Кейсмаш" қўшма корхонаси, Белоруссиянинг Лида шаҳрида ташкил қилинган дон ўрадиган комбайнлар ишлаб чиқарадиган қўшма корхона ҳам "К. к." таркибига киради.

Компания эҳтиёт қисмлар билан таъминлашнинг тезкор бажариладиган ва самарали тизимига эга. Европада 5 та марказлаштирилган эҳтиёт қисмлар билан таъминлайдиган омборхоналари мавжуд бўлиб, буюртмаларнинг 24 соат давомида бажарилишини таъминлайди.

1999 йилда "К. к." компанияси билан "Ню Холланд" компанияси қўшилиб, "Кейс-Ню Холланд" ("CНҲ") номида янги корпорация ташкил қилинди. Бу корпорация қурилиш техникаси и.ч. ҳажми бўйича жаҳонда 3-ўринни эгаллайди.

"К. к." ўзининг қишлоқ хўжалиги ва қурилиш техникасига сервис хизмат кўрсатадиган тизим яратган. Ўзбекистонда "К. к." тракторлар ишлаб чиқарадиган қувватларни "Тошкент трактор заводи" аксиядорлик жамияти билан, пахта терадиган машиналарни эса "Тошкент қишлоқ хўжалиги машиналари заводи" аксиядорлик жамияти билан биргаликда ташкил қилган.