Chōnan
Чōнан (японча: 長南町, Чōнан-мачи) Япониянинг Чиба префектурасида жойлашган шаҳарчадир. 2020-йил 1-декабр ҳолатига кўра, шаҳарда 3240 та хонадонда 7743 нафар аҳоли истиқомат қилади[1] ва аҳоли зичлиги 1 км² га 120 кишидан тўғри келади. Шаҳарнинг умумий майдони 65,38 квадрат километр (25,24 ми²) ни ташкил этади.
Чōнан 長南町 | |
|---|---|
| Шаҳарча | |
 | |
 Байроқ  Герб | |
| Мамлакат | Япония |
| {{{минтақа_тури}}} | Канто вилояти |
| Майдон | 65.38 км2 (25.24 кв ми) |
| Расмий тил(лар)и | япон |
| Аҳолиси (Деcембер 31, 2020) |
7 743 |
| Зичлиги | 120 киши/км2 |
| Вақт минтақаси | УТC+9:00 |
| Телефон коди | 0475-46-2111 |
Географияси
Босо ярим оролини ажратиб турувчи тоғли ерларда жойлашган Чōнан текис ерларга эга эмас. Минтақадаги бошқа муниципалитетлар сингари, шаҳарда қишлоқ хўжалиги сув омборлари мавжуд. Бир нечта голф майдонлари барпо этилган. Чōнан Чиба префектурасининг жануби-шарқий қисмида, префектура пойтахти Чибадан тахминан 25 километр ва Токио марказидан 50-60 километр узоқликда жойлашган.
Қўшни муниципалитетлар
Чиба префектураси
Иқлими
Чōнан нам субтропик иқлимга эга (Кöппен Cфа) бўлиб, ёзи иссиқ ҳамда қиши салқин ва қор ёғмайди. Чōнанда ўртача йиллик ҳарорат 15,1 °C ни ташкил этади. Йиллик ўртача ёғин миқдори 1684 мм бўлиб, сентябр эса энг серёғин ой ҳисобланади. Августда энг юқори ҳарорат 25,9 °C, энг паст ҳарорати эса январда, 5,3 °C атрофида бўлади[2].
Демографияси
Япония аҳолини рўйхатга олиш маълумотларига кўра[3], Чōнан аҳолиси сони сўнгги 70 йил ичида доимий равишда камайиб бормоқда.
| Йил | Аҳоли | ±% |
|---|---|---|
| 1950 | 15,908 | — |
| 1960 | 14,118 | −11.3% |
| 1970 | 11,906 | −15.7% |
| 1980 | 11,509 | −3.3% |
| 1990 | 11,482 | −0.2% |
| 2000 | 10,628 | −7.4% |
| 2010 | 9,074 | −14.6% |
Тарихи
Чōнан Жомон даври, Яёи даври ва Кофун даврига оид археологик ёдгорликларга эга. Нара давридаги рицурё ислоҳотлари остида ҳозирги Чōнан ҳудуди Казуса провинсияси таркибига киритилди. Бу даврда иккита Тендай буддист ибодатхоналари, Касамори-жи ва Чофуку-жи ташкил этилган. Ҳеиан даврининг охирида ҳудуд ҳарбий раҳбар Таира но Тадацуне назорати остига ўтди ва унинг авлодлари Камакура даврида ҳудудни назорат қилишни давом эттирдилар. 1456-йилда Такеда сулоласи Чōнан қал’асини каттароқ Марияцу қал’асининг кенгайтмаси сифатида барпо этди. Токугава сёгунати ташкил этилгандан сўнг, Чōнан Босо ярим оролидан ўтадиган товарлар, хусусан, тузнинг асосий тарқатиш марказига айланди[4]. Замонавий Чōнан шаҳри 1955-йил 11-февралда собиқ Чōнан шаҳрининг қўшни Нишимура, Ҳигашимура ва Тоёсака қишлоқлари билан қўшилиши натижасида яратилган.
Ҳукумат
Чōнан тўғридан-тўғри сайланадиган мер ҳамда 13 аъзодан иборат бир палатали шаҳар кенгашига эга бўлган мер-кенгаш бошқарув шаклига эга. Чосеи округидаги бошқа муниципалитетлар билан биргаликда Чōнан Чиба префектураси ассамблеясига битта аъзони қўшиш ҳуқуи мавжуд. Миллий сиёсат нуқтаи назаридан, шаҳар Япония Диэт қуйи палатасининг Чиба 11-округи таркибига киради.
Иқтисодиёти
Чōнаннинг асосий қишлоқ хўжалиги маҳсулоти гуруч бўлиб, шаҳарда шиитаке қўзиқорини ва лотус илдизи етиштирилади. Кичик сут фермалари ҳам фаолият юритади[5].
Таълим тизими
Чōнанда битта давлат бошланғич мактаби ҳамда шаҳар ҳукумати томонидан бошқариладиган битта давлат ўрта мактаби мавжуд. Шаҳарда давлат юқори синф мактаби мавжуд эмас.
Транспорт
Темир йўл
Чōнанда йўловчи темир йўл хизмати мавжуд эмас.
Магистрал йўл
- Кен-Ō тезкор йўли
- Миллий йўналиш 409
Сайёҳлар учун диққатга сазовор жойлар
- Касамори-жи
- Касамори ибодатхонаси ўрмони табиат ҳудуди
- Хон-жи
- Шоэн-жи
- Шотоку-жи
- Чофукужу-жи
Галерея
Манбалар
- ↑ „Чōнан тоwн оффиcиал статистиcс“ (Жапанесе). 2021-йил 3-мартда асл нусхадан архивланган.
- ↑ Чōнан cлимате дата
- ↑ Чōнан популатион статистиcс
- ↑ "Чōнан-мачи" (жа). Ниҳон Рекиши Чимеи Таикеи (日本歴史地名大系 “Cомпендиум оф Жапанесе Ҳисториcал Плаcе Намес”). Токё: Нетто Адобансуша. 2012. Арчивед фром тҳе оригинал он 2007-08-25. ҳттпс://wеб.арчиве.орг/wеб/20070825113418/ҳттп://рекиши.жкн21.cом/. Қаралди: 2012-02-01.
- ↑ "Чōнан-мачи" (жа). Ниҳон Рекиши Чимеи Таикеи (日本歴史地名大系 “Cомпендиум оф Жапанесе Ҳисториcал Плаcе Намес”). Токё: Нетто Адобансуша. 2012. Арчивед фром тҳе оригинал он 2007-08-25. ҳттпс://wеб.арчиве.орг/wеб/20070825113418/ҳттп://рекиши.жкн21.cом/. Қаралди: 2012-02-01.
Ҳаволалар
 |
Викиомборда „Чōнан“ мавзуси бўйича медиафайллар бор. |
- Расмий веб-сайт (Wайбаcк Мачине сайтида 2021-03-03 санасида архивланган) (японча)