Chastushka sahifasining manbasini koʻrish

'''Chastushka''' – [[rus]] xalq qoʻshiqlari, folklorining eng ommaviy janrlaridan biridir. U toʻrt misrali qoʻshiq boʻlib, aytuvchilar mustaqil toʻrtliklarni ulash asosida kompozitsiya yaratadilar. Chastushka tez aytilishi jihatidan oʻzbek xalq [[lapar]]lariga oʻxshab ketadi. Bu janr [[XIX]] asrning oxirgi choragi, [[XX asr]]ning birinchi yarmida keng tarqaldi.

Chastushka oʻz tabiatiga koʻra, kundalik voqelikka javob tariqasida [[improvizatsiya]] yoʻli bilan yaratiladi va shundan soʻng xalq oʻrtasida tarqalib, qayta-qayta aytilishi natijasida sayqal topadi. Chastushkalarning mavzu doirasi keng, hissiy ta’siri kuchli boʻladi.

Chastushkalar lirik, oʻtkir publisistik, doʻstona yumoristik va shafqatsiz hajviy ruhda boʻladi. Ular an’anaviy xalq qoʻshiqlari va qisman yozma poeziya uslubida, [[xorey]] vaznida yaratilib, uch xil shaklda (a-b-v-b; a-a-b-b; a-b-a-b) qofiyalanadi. Chastushkalarda [[parallelizm]] keng qoʻllanadi, ya’ni toʻrtlikning birinchi ikki misrasi ramziy obrazlar asosiga qurilsa, keyingi ikki misrada asosiy maqsad, hayotiy xulosa bayon qilinadi.

Keyinchalik folklor ta’sirida rus she’riyatida yozma chastushkalar ham yaratildi. Uning namunalari [[D.Bedniy]], [[A.Prokofyevlar]] ijodida uchraydi.

== Manbalar ==

* JAHON ADABIYOTI TERMINLARINING QISQACHA IZOHLI LUGʻATI

 

[[Turkum:Musiqa]]
[[Turkum:Musiqa asboblari]]