Chernigov viloyati

Чернигов вилояти (укр. Чернігівска област) — Украина таркибидаги вилоят. 1932-йил 7-октабрда ташкил этилган. Майдони 31,9 минг км². Аҳолиси 1199,1 минг киши (2004), асосан, украинлар, шунингдек, рус, белорус ва бошқа миллат вакиллари ҳам яшайди. Шаҳар аҳолиси 42%. 22 маъмурий туманга бўлинган, 15 шаҳар, 31 шаҳарча бор. Йирик шаҳарлари: Чернигив, Прилуки, Нижин. Маркази — Чернигив шаҳри

Чернигив вилояти Днепрнинг чап ирмоғи — Десна дарёси ҳавзасида жойлашган. Ер юзаси текислик, шимоли-шарқдан жануби-ғарбга томон қия. Иклими мўътадил континентал. Ёзи илиқ. Январнинг уртача температураси –6°, –8°; июлники 19–20°. Йилига 500–600 мм ёғин тушади. Вегетация даври 190–200 кун. Асосий дарёси — Десна. Майда кул куп. Шимолий қисмида чимли подзол, қумли, қумлоқ, жанубида қоратупроқ тупроклар кенг тарқалган. Вилоят худудининг 1/5 кисми ўрмон (қарағай, граб, дуб, жука). Ўрмон ва урмонли дашт ҳайвонлари учрайди.

Вилоятда бир канча нефт конлари очилиши натижасида нефт, нефтни қайта ишлаш саноати тармоклари вужудга келди. Чернигив вилояти торф захиралари бўйича мамлакатда олдинги ўринлардан бирини эгаллайди. Темирруда, фосфорит, мергел конлари бор.

Енгил саноат етакчи ўринда. Тўқимачилик, трикотаж, тикувчилик корхоналарининг салмоғи катта. Машинасозлик ва металлсозликда қишлоқ хўжалиги машиналари, ёнғинга қарши асбобускуналар, автомобил эҳтиёт қисмлари ишлаб чиқариш тажрибаэкспериментал, махсус қирқиш асбоблари, таъмирлаш заводлари ишлаб турибди. Киме ва нефт кимёси саноатлари („Химволокно“ ишлаб чиқариш бирлашмаси, пластмасса, лок ва бўёқ корхоналари) вужудга келган. Мебел, мусиқа асбоблари (пианино) ишлаб чиқариш корхоналари, техник қоғоз фабрикаси бор. Йиғма темирбетон конструксиялар, тунука материаллар, ғишт ишлаб чиқарилади. Гўшт, мойсир, сут, шакарқанд, пиво, крахмалқиём заводлари фаолият кўрсатади. Сабзавотни қайта ишлаш ривожланган.

Вилоят қишлоқ хўжалиги картошка, дон, қанд лавлаги, узун толали зиғир, сабзавот етиштириш ва сутгўшт чорвачилигига ихтисослашган. Чернигив вилоятида фойдаланиладиган ерлар вилоят ҳудудининг 70% га якинини ташкил этади. Дон, картошка, техника ва озуқа экинлари экилади. Яйлов ва пичанзорлар 30%га яқин майдонни эгаллайди.

Жамоа ва шахсий хўжаликларида қорамол, чўчқа, қўй ва эчки боқилади. Чернигив вилояти узунлиги 900 км га якин. Қаттиқ қопламали автомобил йўллари узунлиги 4 минг км чамасида. Днепр ва Десна дарёларида кема қатнайди. Ҳаво йўли ривожланган. 2 педагогика институт, 8 музей, тарихиймеъморий музейқўриқхона, 2 театр бор.