Ziyosfera

Cristiane Rozeira

Cristiane Rozeira de Sousa Silva (1985-yil 15-may sanasida, Braziliyaning Osasko shahrida tugʻilgan) – Cristiane nomi bilan tanilgan, braziliyalik futbolchi. Flamengo va Braziliya terma jamoasida hujumchi pozitsiyasida oʻynaydi. Beshta jahon chempionati va toʻrtta Olimpiya oʻyinlari ishtirokchisi hisoblanadi. 2004 va 2008-yilgi olimpiada oʻyinlarida Braziliya ayollar terma jamoasi bilan kumush medal sohibi boʻlgan.

Christiane Rozeira
Cristiane 2016 yilgi Olimpiadada
Shaxsiy maʼlumot
Toʻliq ismi Cristiane Rozeira de Souza Silva[1]
Tavallud sanasi 1985-yil 15-may (1985-05-15) (41 yosh)
Tavallud joyi Osasco, Braziliya
Boʻyi 1.70 m[2]
Ampluasi Hujumchi
Klub maʼlumoti
Joriy klub
 Flamengo
Raqami 11
Yoshligida aʼzo boʻlgan klublar
São Bernardo
Professional faoliyati*
Yillar Jamoa Isht. (Gol.)
2003—2005 Juventus-SP
2005—2006 1. FFC Turbine Potsdam 30 (17)
2006—2007 VfL Wolfsburg 20 (7)
2008 Linköpings FC 14 (6)
2008 Corinthians
2009 Chicago Red Stars
2009 Santos
2010 Chicago Red Stars
2011 Santos
2011—2012 Rossiyanka 10 (10)
2012 São José-SP
2013 Icheon Daekyo
2013—2015 Centro Olímpico 13 (15)
2015—2017 Paris Saint-Germain 36 (26)
2017—2019 Changchun Zhuoyue 12 (5)
2019 São Paulo 9 (3)
2020—2023 Santos 55 (29)
2024— Flamengo 0 (29)
Milliy terma jamoa
2002—2004 Braziliya U19
2003— Braziliya 153[3] (96)
*Professional klublardagi gollari (ichki chempionat)
(2023-yil 13-noyabr uchun)

Klublar darajasida Cristiane oʻz vatani Braziliyadan tashqari Fransiya, Germaniya, Shvetsiya, AQSh, Rossiya va Janubiy Koreyada professional futbolchi sifatida oʻynagan.

Biografiyasi

Jamoalardagi faoliyati

U oʻz uyidagi faoliyatini San Bernardo-du-Kamponing „San Bernardo“ klubi yoshlar jamoasi va San-Pauluning „Atletiko Yuventus“ klublarida boshlagan[4].

2005-yil fevral oyida u Germaniyaning „Turbin“ klubiga oʻtgan. Klub tarkibida bir yarim mavsum oʻtkazgan va 2006-yilgi Germaniya kubogida gʻolib boʻlgan. 2005-yilgi mavsumda UEFA kubogi gʻolibi, 2006-yilda esa finalchi boʻlgan. 2006-07-yilgi mavsum avvalida boshqa nemis klubi „Volfsburg“ jamoasi tarkibiga oʻtgan. 2008-yil boshida Shvetsiya chempionatining „Linköping“ klubi bilan olti oylik shartnoma imzolagan va klub tarkibida olimpiadagacha oʻynagan. Olimpiadadan keyin bir muddat vataniga qaytgan va Braziliya klublarida oʻynagan.

2008-yil sentyabr oyida u WPS Amerika ligasi tomonidan tuzilgan Chikago Red Stars tarkibida oʻynay boshlagan[5]. 2009-yil 12-iyulda Gold Pridega qarshi oʻyinda (3:1) liga tarixidagi birinchi xet-trikni amalga oshirgan. Birinchi mavsumda u 7 ta gol bilan oʻz klubining eng yaxshi hujumchisi boʻlgan. Keyingi mavsumda u 24 ta oʻyinda atigi 3 ta gol urgan va mavsum oxirida erkin agent sifatida jamoani tark etgan[6].

2009-yil avgust oyida Braziliyaning „Santos“ klubiga[7] uch oyga ijaraga berilgan. Santos klubi safida Libertadores kubogi va Braziliya kubogi[8] sohibasiga aylangan[9].

2011-yil sentyabr oyida u Rossiyaning „Rossiyanka“ klubiga oʻtgan. Rossiya chempionatida u 10 ta oʻyinda 10 ta gol urdi va chempionat gʻolibasiga aylangan. Chempionlar ligasida 6 ta oʻyinda 3 ta gol urgan va klub bilan chorak final bosqichiga qadar yetib borgan.

Rossiya klubini tark etgach, Braziliyada „San-Xose“ va „Sentro Olimpiko“ jamoalarida oʻynadi. shuningdek, 2013-yilda bir muddat Janubiy Koreyaning Icheon Daekyo klubi safida oʻynagan.

2015-yilda boshqa braziliyalik Erika bilan birgalikda u Fransiyaning Parij Sen-Jermeniga[10] koʻchib oʻtgan, klubga „Rossiyanka“dagi faoliyatidan tanish boʻlgan Farid Benstiti murabbiylik qilgan. Cristiane jamoada ikki mavsum oʻtkazgan, Fransiya chempionatida 36 oʻyin oʻtkazgan hamda 26 ta gol urgan. Klub tarkibida 2015-2016-yilgi Fransiya vitse-chempioni, 2016-2017-yilgi Fransiya kubogi finalchisi boʻlgan. Parij klubi Chempionlar ligasida 16 ta oʻyin oʻtkazib, 12ta gol urgan va 2016-2017 yilgi Chempionlar ligasi finaliga qadar yetib borgan.

2017-yilning iyun oyida Xitoyning Changchun Zhuoyuei[11] klubiga oʻtgan va 2019-yilgacha oʻynagan.

Jamoa faoliyati

15 yoshida u birinchi marta Braziliya yoshlar (19 yoshgacha) terma jamoasiga kiritilgan. 2002 va 2004-yillarda oʻtkazilgan yoshlar oʻrtasidagi jahon chempionatlarida qatnashgan ikkalasida ham toʻrtinchi oʻrinni egalladi.

U 2003-yilda Braziliya terma jamoasida debyut qilgan. U oʻzining ilk golini 2003-yil 27-aprelda Janubiy Amerika chempionatida Kolumbiyaga qarshi oʻyinda (12:0) zaxiradan maydonga tushganidan soʻng kiritdi va ushbu turnir gʻolibiga aylandi.

2003-yilda u birinchi marta Jahon kubogining final turnirida ishtirok etdi, 4 ta oʻyin oʻtkazdi, ularning barchasida zaxiradan maydonga tushdi. 2007-yilda u Jahon chempionatining kumush medali sovrindori boʻldi (6 ta oʻyin, 5 ta gol), turnir natijalariga koʻra u ramziy terma jamoaga kiritildi va ekspertlar soʻrovida uchinchi oʻrin sifatida bronza toʻpini oldi[12]. 2011 yilda oʻz jamoasi bilan chorak finalchi (4ta oʻyin, 2 ta gol), 2015 (3 ta oʻyin) va 2019 (4 ta oʻyin, 4 ta gol)da esa 1/8 finalda magʻlub boʻldi. 2019-yil 9-iyun kuni guruh bosqichida Yamaykaga qarshi oʻyinda (3:0) xet-trik qildi[13].

2004-yilgi Olimpiadada u kumush medal sovrindori boʻldi va 5 ta gol urib, germaniyalik Birgit Prinz bilan eng yaxshi toʻpurar unvonini qoʻlga kiritdi. 2004-yil 17-avgustda Gretsiya bilan guruh bosqichida (7:0) oʻyinda xet-trik qilgan. 2008-yilgi Olimpiadada u yana finalchi va ketma-ket ikkinchi marta eng yaxshi toʻpurarga aylandi (6 ta oʻyinda 5 ta gol). U 2008-yil 12-avgustda Nigeriyaga qarshi guruh bosqichida (3:1) xet-trik qayd etgan[14]. 2012-yilgi Olimpiadada u oʻz jamoasi bilan chorak finalga chiqdi, 4 ta oʻyin oʻtkazdi va 2 ta gol urdi. 2016-yilgi Olimpiadada u toʻrtinchi oʻrinni egalladi (4 ta oʻyin, 2 ta gol). U Olimpiadalar tarixidagi eng yaxshi toʻpurar hisoblanadi (14 ta gol).

Bir necha bor qitʼa turnirlarining gʻolibi va sovrindori boʻlgan. 2003-yilda Janubiy Amerika chempioni, 2006-yilda kumush medal sohibi, 2010-yilgi chempionat gʻolibi (8 ta gol) 2015-yilda yana Panamerika oʻyinlari gʻolibi va eng yaxshi toʻpurari (5 ta oʻyinda 7 ta gol), Ekvador bilan oʻyinda (7: 1) u terma jamoadagi faoliyati davomida eng yaxshi natijani koʻrsatdi yaʼni 5 ta gol urgan[15].

2007-2008 yillarda FIFA yilning eng yaxshi futbolchisi tanlovida uchinchi oʻrinni egalladi.

Umuman olganda, 2020-yil boshida u terma jamoa uchun 96 ta gol urgan.

Shaxsiy hayoti

Cristiane ochiqchasiga lezbiyan boʻlib, 2019-yilning fevral oyidan beri huquqshunos Ana Paula Garcia Silva bilan munosabatda. Ular 2020-yil 15-avgustda Braziliyaning San-Paulu shahrida nikohdan oʻtishgan[16]. Cristianening oʻgʻli Bento 2021-yil 26-aprelda dunyoga kelgan[17].

Yutuqlari

Kristiane 2014-yilgi Amerika kubogining eng yaxshi to‘purari sovrini ko‘tarmoqda
Santos
  • Libertadores kubogi: 2009
  • Braziliya kubogi: 2009
  • Copa Paulista: 2020
1. FFC Turbine Potsdam
San-Paulu
Braziliya
Shaxsiy yutuqlar

Manbalar

  1. ↑ „Women's Olympic Football Tournament London 2012 – List of Players Brazil“. FIFA (2012-yil 24-iyul). 2012-yil 4-avgustda asl nusxadan arxivlangan. Qaraldi: 2014-yil 20-dekabr.
  2. ↑ „List of Players – Brazil“. FIFA (2015-yil 8-iyun). 2016-yil 10-aprelda asl nusxadan arxivlangan. Qaraldi: 2015-yil 14-iyun.
  3. ↑ „Cristiane“. FIFA. 2019-yil 8-iyunda asl nusxadan arxivlangan. Qaraldi: 2019-yil 9-iyun.
  4. ↑ „Cristiane (Profile: 2004 Summer Olympic Games)“. UOL (2004). 2020-yil 16-iyunda asl nusxadan arxivlangan. Qaraldi: 2020-yil 23-may.
  5. ↑ Chicago Red Stars Sign Brazilian Sensation Cristiane
  6. ↑ RELEASED. Red Stars let Cristiane go
  7. ↑ „Santos contrata Cristiane para jogar ao lado de Marta“ (Portuguese). Estadão (2009-yil 14-avgust). 2014-yil 22-martda asl nusxadan arxivlangan. Qaraldi: 2009-yil 21-avgust.
  8. ↑ „Santos bate Botucatu e conquista a Copa do Brasil feminina“ (Portuguese). Estadão (2009-yil 1-dekabr). 2014-yil 18-yanvarda asl nusxadan arxivlangan. Qaraldi: 2009-yil 2-dekabr.
  9. ↑ „Report: Cristiane signs with Santos“. 2020-yil 16-iyunda asl nusxadan arxivlangan. Qaraldi: 2020-yil 16-iyun.
  10. ↑ „Erika and Cristiane sign for Paris“. Paris Saint-Germain F.C. (2015-yil 19-avgust). 2016-yil 19-avgustda asl nusxadan arxivlangan. Qaraldi: 2015-yil 22-avgust.
  11. ↑ „Clube chinês anuncia acerto com Cristiane | Blog Dona do Campinho“ (pt-br). globoesporte.com. 2017-yil 15-iyulda asl nusxadan arxivlangan. Qaraldi: 2017-yil 8-iyul.
  12. ↑ King Kaka and Marta crowned
  13. ↑ „BRAZIL VS. JAMAICA 3 — 0“. 2020-yil 1-oktyabrda asl nusxadan arxivlangan. Qaraldi: 2020-yil 16-iyun.
  14. ↑ „NIGERIA VS. BRAZIL 1 — 3“. 2019-yil 20-noyabrda asl nusxadan arxivlangan. Qaraldi: 2020-yil 16-iyun.
  15. ↑ „BRAZIL VS. ECUADOR 7 — 1“. 2020-yil 4-fevralda asl nusxadan arxivlangan. Qaraldi: 2020-yil 16-iyun.
  16. ↑ Webb, Karleigh „Brazilian soccer scoring ace Cristiane weds her girlfriend“. Outsports (2020-yil 18-avgust). 2021-yil 28-iyulda asl nusxadan arxivlangan. Qaraldi: 2021-yil 4-yanvar.
  17. ↑ „"The face of the father": player Cris Rozeira reports lesbophobia after her son was born“. ruetir.com (2021-yil 11-may).[sayt ishlamaydi]

Havolalar

Vikiomborda „Cristiane Rozeira de Souza Silva“ mavzusi boʻyicha mediafayllar bor. 
"https://new.ziyosfera.uz/ziyo/Cristiane_Rozeira" dan olindi