Dana Jeyms

ДАНА (Дена) Жеймс (1813.12.2, Ютика, Ню-Ёрк штати — 1895.14.4, Ню-Хейвен, Коннектикут штати) — америкалик геолог ва минералог . НюХейвен университетининг профессор (1855—92). 1837 йилда минералларнинг кимёвий таркибига асосланган таснифни ишлаб чиққан. 1873 йилда Д. "геосинклинал" ва "геоантиклинал" терминларини таклиф этди. Д. Ер пўстидаги йирик букилмалар ва бурмалар Ернинг совиши натижасида Ер пўстининг қисқаришидан ҳосил бўлади деб ҳисоблаган. Органик дунёнинг тадрижий ривожланишида эмпирик принсипни илгари сурди. Бундай тушунчалар ҳозирги фақат фан тарихи учунгина аҳамиятли.

Адабиёт

• ЎзМЕ. Биринчи жилд. Тошкент, 2000-йил