Danil Bugakov
Danil Grigorevich Bugakov (tugʻ. 29-yanvar 1988-yil, Toshkent, Oʻzbekiston SSR, SSSR) — oʻzbek suzuvchisi, koʻp karra Oʻzbekiston chempioni, XXVIII yozgi Olimpiya oʻyinlari va XXIX yozgi Olimpiya oʻyinlari ishtirokchisi, suzish boʻyicha Osiyo chempionati sovrindori, chempion va sovrindori. Yopiq inshootlardagi Osiyo oʻyinlari chempion va medal sovrindori.
| Danil Bugakov | |
|---|---|
| Shaxsiy maʼlumotlari | |
| Fuqaroligi |
 Oʻzbekiston |
| Tavallud sanasi |
29-yanvar 1988-yil Toshkent, Oʻzbekiston SSR, SSSR |
| Boʻyi | 188 |
| Vazni | 69 |
| Sport | |
| Qaysi sport | suzish |
Martaba
Danil yoshligida ota-onasi Grigoriy Bugakov va Natalya Obuxova rahbarligida suzishni boshlagan[1]. Uning singlisi Mariya Bugakova ham suzish bilan shugʻullangan. 2002-yilda Danil Hong Kongda oʻtkazilgan suzish boʻyicha oʻsmirlar oʻrtasidagi Osiyo chempionatida chalqancha suzish boʻyicha birinchi oʻrinni egalladi[2].
2004-yilda Afinada boʻlib oʻtgan Yozgi Olimpiya oʻyinlarida u 100 metrga chalqancha suzish boʻyicha musobaqada qatnashib, saralash bosqichida 1:02,28 natijani qayd etdi, ammo bu turnirning final qismiga yoʻllanma olish uchun etarli emas edi[3].
2006-yilda Singapurda boʻlib oʻtgan suzish boʻyicha Osiyo chempionatida 50 m masofaga erkin usulda suzishda bronza, 4x100 m estafetada kumush medalni qoʻlga kiritdi[4].
2008-yilda Pekinda boʻlib oʻtgan Yozgi Olimpiya oʻyinlarida u 100 metrga chalqancha suzish boʻyicha musobaqada qatnashib, saralashda atigi 39-chi, 200 metrga kompleksda esa 46-natijani koʻrsatdi[5][6].
2009-yilda Rimda boʻlib oʻtgan suv sporti boʻyicha jahon chempionatida u 4×100 m masofaga erkin usulda estafeta (3 daqiqa 23,55 soniya) va 4×100 m kombinatsiyalangan estafeta (3,45,23) boʻyicha ikkita milliy rekord oʻrnatdi. Biroq medallar qoʻlga kiritilmadi[7]. Xanoyda boʻlib oʻtgan Yopiq inshootlardagi Osiyo oʻyinlarida 50 metrga erkin usulda suzishda bronza, 4×100 m masofaga erkin usulda suzishda oltin va 4×50 m masofaga erkin usulda suzishda kumush medalni qoʻlga kiritdi[8].
2012-yilda Plzeň shahrida oʻtkazilgan xalqaro musobaqada u 50 metrga erkin usulda suzishda uchinchi, 100 metrga chalqancha suzishda ikkinchi oʻrinni egalladi[9].
Manbalar
- ↑ „Daniil Bugakov — nash chempion!“ (ru). «Moy Tashkent» (2010-yil 14-iyun). Qaraldi: 2021-yil 24-avgust.
- ↑ „Like a fish in water“ (en). Uzbekistan Today (2008-yil 25-yanvar). 2011-yil 20-martda asl nusxadan arxivlangan. Qaraldi: 2021-yil 24-avgust.
- ↑ „Men's 100m backstroke results“ (en). BBC News (2004-yil 12-avgust). Qaraldi: 2021-yil 24-avgust.
- ↑ „Eщe dve medali uzbekistanskix plovtsov“ (ru). UzReport.news. Qaraldi: 2021-yil 24-avgust.
- ↑ „100 metres Backstroke, Men“ (en). Olympedia.org. Qaraldi: 2021-yil 24-avgust.
- ↑ „200 metres Individual Medley, Men“ (en). Olympedia.org. Qaraldi: 2021-yil 24-avgust.
- ↑ „Plovtsы Uzbekistana vernulisь s rekordami respubliki“ (ru). Gazeta.uz (2009-yil 4-avgust). Qaraldi: 2021-yil 24-avgust.
- ↑ „Plovtsam iz Uzbekistana na III Aziatskix igrax vo Vьetname zavoevali naibolьshee kolichestvo medaley“ (ru). Regnum. 2021-yil 24-avgustda asl nusxadan arxivlangan. Qaraldi: 2021-yil 30-noyabr.
- ↑ „Uspexi nashix plovtsov na mejdunarodnom sorevnovanii "Plьzenьskiy stayer"“ (ru). MoyGorod.uz. 2021-yil 24-avgustda asl nusxadan arxivlangan. Qaraldi: 2021-yil 30-noyabr.