Daphne Ceeney
Дапҳне Жеан Ҳилтон (қизлик фамилияси: Cеэней; 1934-йил 7-январ — 2016-йил 25-июл) — австралиялик паралимпиячи. Дапҳне Паралимпия ўйинларида иштирок этган биринчи австралиялик аёл ҳисобланади[1]. У 1960-йилдан 1968-йилгача учта Паралимпиада ўйинларида камондан отиш, енгил атлетика, қиличбозлик, сузиш ва стол тенниси бўйича жами ўн тўртта медални қўлга киритган.
| Дапҳне Cеэней | |
|---|---|
 Дапҳне Ҳилтон (қизлик фамилияси: Cеэней) 2012-йилда | |
| Шахсий маълумотлари | |
| Таваллуд санаси | 1934-йил 7-январ |
| Вафот санаси |
25-июл 2016-йил (82 ёшда) |
| Спорт | |
| Мамлакат |
 Австралия |
Шахсий ҳаёти
Cеэней 1934-йил 7-январда Янги Жанубий Уэлс штатининг Харден-Муррумбурра шаҳарчасида дунёга келган. Оиладаги тўрт фарзанднинг энг каттаси бўлган[2]. У 1951-йилда 17 ёшида от миниш вақтидаги бахциз ҳодиса оқибатида умуртқа поғонасини синдириб олиб, параплегия (оёқлар шоли) бўлиб қолган[2]. У Муррумбуррага қайтишдан олдин Сиднейдаги Қиролича Шахзода Алфред касалхонасида 9 ой ўтказган. Авариядан саккиз йил ўтгач, у Сиднейга кўчиб ўтди ва у ерда дастлаб олти ой Черривуд реабилитация марказида, кейин эса бир йил Мон-Вилга реабилитация касалхонасида яшаган[1]. Реабилитация касалхонасида яшаб юрган даврида у ўзининг спорт маҳорати ва кўникмаларини ривожлантирган[1]. У 1960-йилги Ёзги Паралимпиада ўйинларида Австралиянинг ягона аёл спортчиси сифатида танлаб олинган.
1967-йилда у „Нортҳерн Арчерс“ клубида танишган Франк Ҳилтон билан турмуш қурган[2]. У 1970-йилда эгизак қизлари Никол ва Рейчел туғилгунга қадар стенографист-машинистка бўлиб ишлаган[2]. У туғруқдан олдин олти ой давомида Қироллик Шимолий Соҳил касалхонасида ётган ва Австралияда эгизак фарзанд кўрган биринчи параплегия хасталигига чалинган аёл бўлган. Унинг ҳомиладорлиги ва туғруқ жараёни ҳақида илмий диссертация ҳам ёзилган[2]. Дапҳне 2000-йилги Сидней Олимпиадаси ва Паралимпия ўйинларида спортчилар шаҳарчасини расман очиб берган ҳамда 2000-йилги Паралимпия машъаласи эстафетасида қатнашган[2]. 2012-йил август ойида у 1960-йилги ўйинларнинг медаллари тўпламини ва Австралия терма жамоасининг учта кийимини Австралия Паралимпия қўмитасига топширган[3]. У 2016-йил 25-июлда Канберра шаҳрида 82 ёшида вафот этди[4].
Манбалар
- ↑ 1,0 1,1 1,2 Смитҳ, Жеанетте. Пушинг Стронг. Сингапоре: Плайригҳт Публишинг, 2011. ИСБН 9780980666694.
- ↑ 2,0 2,1 2,2 2,3 2,4 2,5 „Дапҳне Ҳилтон интервиэwед бй Робин Поке“. Аустралиан Cентре фор Паралймпиc Студиэс орал ҳисторй прожеcт. Натионал Либрарй оф Аустралиа (2010-йил 6-август). Қаралди: 2012-йил 12-феврал.
- ↑ Маcкей-Лаwс, Кйле. „Алл-роундер а пионеэр фор тодай'с атҳлетес“ (2012-йил 8-август). Қаралди: 2012-йил 8-август.
- ↑ де Соуза, Рян. „Аустралиа'с фирст фемале Паралймпиан Дапҳне Ҳилтон диэс ат 82“. Сйдней Морнинг Ҳералд (2016-йил 29-июл). Қаралди: 2017-йил 25-август.