Datchik

Датчик (русча), бирламчи ўзгартиргич — ўлчанаётган физик катталик (босим, температура, электр кучланиш, силжиш ва б.)ни узатиш, унга ишлов бериш ва қайд қилиш учун сигнал (одатда, электр сигнал)га айлантириб берадиган восита. Ўлчаш, сигнал ёки ростлаш қурилмалари тизимининг муҳим қисми; сезгир элементи текширилаётган миқдорлар (босим, температура, тезлик, ёруғлик кучи, электр токи, кучланиш ва б.) таъсирини сезади. Иши электр қаршилиги, сиғим, индуктивликка, шунингдек, назорат қилинадиган механик, акустик, иссиқлик, электр, оптик, магнит катталиклар таъсир этганда электр юритувчи куч (э. ю. к.) ҳосил бўлишига асосланган Д.лар (сигим датчиги, индуктив Д., индуксион Д. ва ҳоказо) кенг тарқалган. Электр занжирларида контактларнинг уланиб-узилишига асосланган Д.лар (контакт датчиги) ва электр машина Д.лари ҳам бор. Ишлаб чиқариш жараёнларини автоматлаштириш ва илмий тадқиқот ишларининг амалий кис-мини бажаришда ишлатилади. Д. автоматика ва телемеханика қурилмаларининг муҳим қисми ҳисобланади.

Адабиёт

• ЎзМЕ. Биринчи жилд. Тошкент, 2000-йил