David Ochildiyev
.jpg){kind=link}
Давид Ёқубович Очилдиев — Совет тарихчиси ва шарқшуноси, Афғонистоннинг янги ва энг янги тарихи бўйича мутахассис, тарих фанлари доктори, Ўзбекистонда хизмат кўрсатган фан арбоби.
| Очилдиев Давид Ёқубович | |
|---|---|
| Таваллуди |
Фарғона шаҳри |
| Вафоти | Ню-Ёрк |
| Истиқомат жойлари | Фарғона шаҳри, Ню-Ёрк |
| Фуқаролиги |
фуқаролиги= СССР |
| Миллати | яҳудий |
| Соҳаси | тарихчи |
| Иш жойлари | ФДПИ |
| Академик раҳбарлари | Профессор А.Х.Бобохўжаэв, Профессор Н. А. Халфин |
| Машҳур ишлари |
Афғон халқининг миллий мустақиллик учун кураши ва ички ислоҳотларига бағишланган очерклар (1900—1914).Ташкент, 1967. Мустақиллика эришиш арафасида Афғонистоннинг ижтимоий-сиёсий ғояси. Ташкент, 1972. |
| Мукофотлари | „Ўзбекистонда хизмат кўрсатган фан арбоби“, „Халқ маорифи аълочиси“ кўкрак нишони |
Биографияси
Очилдиев Давид Ёқубович — 1932-йил 2-декабр куни Фарғона шаҳри яҳудий оиласида таваллуд топган. Отаси — Ёқуб Шолом Очилдиев. Узоқ йиллар қишлоқда Совет истеъмол кооперацияси тизимида ишлаган. Онаси — Мазол Манахимовна Ядгарова. Давид 1951-йилда Фарғона шаҳридаги 10-сон ўрта мактабни тамомлаган. 1991-йилда доимий яшаш учун АҚШ давлатига кўчиб кетган. Очилдиев Давид Ёқубович 2020-йил 6-май куни АҚШнинг Ню-Ёрк шаҳрида 88 ёшида юрак ҳуружидан вафот этди[1]. 2020-йил 7-май куни Ню-Ёркдаги Квинс шаҳрининг Моунт Cармел қабристонида дафн этилган.
Маълумоти
1953-йилда Ўрта Осиё Давлат университетининг (САГУ) Шарқ факултетига ўқишга кирди ва олийгоҳни 1958-йилда „Шарқ мамлакатлари тарихи“ мутахассислиги бўйича имтиёзли диплом билан тамомлади.
Илмий фаолияти
Очилдиев Давид Ёқубович ўз меҳнат фаолиятини 1959-йилнинг январ ойида Фарғона давлат педагогика институтида кафедра ўқитувчиси лавозимида бошлади. Бир йилдан кейин у Ўзбекистон Фанлар академияси Шарқшунослик институти қошидаги кундузги аспирантурага кирди. Аспирантурани тамомлагач, шу институтнинг Афғонистон ва Эрон факул’тетига кичик илмий ходим лавозимига ишга қабул қилинди. У ўзбек, тожик ва рус тиллари билан бир қаторда инглиз, форс ва пуштун тилларини яхши биларди. Профессор А.Х.Бобохўжаэв раҳбарлигида „Омонуллахон ислоҳотлари“ мавзусида номзодлик диссертациясини ҳимоя қилди. 1963-йил 17-октябрда „ХХ аср бошларида Афғонистон ички сиёсий ва халқаро аҳволининг айрим масалалари“ мавзусида номзодлик диссертациясини ҳимоя қилди. 1967-йилда унга доцент илмий унвони берилди. 1963-йилда тарих фанлари номзоди бўлди. 1964-йилнинг ўрталарида Д.Я.Очилдиев ФДПИга қайтиб келди ва умумий тарих кафедрасининг катта ўқитувчиси лавозимида фаолият кўрсата бошлади. 1965-1968-йилларда шу кафедранинг мудири лавозимида меҳнат қилди. 1968-1970-йилларда катта илмий ходим лавозимига ўтказилди ва икки йил муддатга СССР Фанлар академияси Шарқшунослик институтига хизмат сафарига юборилди. Бу ерда у докторлик диссертация устида иш олиб борди. 1971-йилда Д.Я.Очилдиев Фарғона давлат педагогика институти умумий тарих кафедрасининг мудири, 1973-1988-йилларда эса институтнинг илмий ишлар бўйча проректори бўлиб ишлади[2]. 1965-1991-йиллари Фарғона давлат педагогика институтининг Халқаро тарих кафедрасида кафедра мудири бўлиб фаолият юритди. 1970-1973-йилларда Москва шаҳрида СССР Фанлар академияси Шарқшунослик институти докторантурасини тугатди. Профессор Н. А. Халфин раҳбарлигида 1974-йилда СССР Фанлар академиясининг Шарқшунослик институтида „Кичик афғон ҳаракати“ мавзусида докторлик диссертациясини ҳимоя қилди ва тарих фанлари докторлигини олди.
Унвонлари
Йирик олим ва моҳир фан ташкилотчисининг баракали илмий-педагогик фаолияти ва кадрлар тайёрлашга қўшган ҳиссаси ҳукумат томонидан муносиб тақдирланди. Унга 1983-йилда „Ўзбекистонда хизмат кўрсатган фан арбоби“ унвони берилди. Айни вақтда у Ўзбекистон Республикаси ҳукуматининг қатор фахрий ёрлиқлари билан мукофотланди, „Халқ маорифи аълочиси“ кўкрак нишонини олишга муяссар бўлди.
Илмий ишлари
Олим 8 та монография, 2 та рисола, 1 та ўқув қўлланма ва 200 дан ортиқ илмий ва илмий-услубий ишлар эълон қилди. 17 нафар фан номзоди ва 2 нафар фан доктор шогирдлар чиқарган[3].
Монографиялари
Афғон халқининг миллий мустақиллик учун кураши ва ички ислоҳотларига бағишланган очерклар (1900—1914).Ташкент, 1967. Мустақиллика эришиш арафасида Афғонистоннинг ижтимоий-сиёсий ғояси. Ташкент, 1972. Ёш афғон ҳаракати (1900—1929).Ташкент, 1985. Бухоро яҳудийларининг тарихи (қадимги замондан ХИХ-аср ўрталарига), книги И-ИИ.Мир Cоллеcтион, Ню-Ёрк, 2001.-ИСБН 1-893552-09-8 А Ҳисторй оф тҳе Букҳаран Жеwс бй Давид Очилдиэв, 2005, 216 пагес. Публишер: Мир Cоллеcтион Публишинг Ҳоусе (Септембер 15, 2005). ИСБН 189355225Х[4][5]
Манбалар
- ↑ „[:узДАВИД ЯКУБОВИЧ ОЧИЛДИЕВ[:]“]. 2022-йил 21-сентябрда асл нусхадан архивланган. Қаралди: 2022-йил 2-август.
- ↑ „архив нусхаси“. 2019-йил 22-июлда асл нусхадан архивланган. Қаралди: 2022-йил 2-август.
- ↑ ҳттп://э-либрарй.намду.уз
- ↑ ҳттпс://эверипедиа.орг/wики/ланг_эн/Давид_Очилдиев[сайт ишламайди]
- ↑ ҳттпс://алчетрон.cом/Давид-Очилдиев