David Oystrax

Давид Фёдорович Ойстрах (1908.17(30). 9, Одесса - 1974.24.10, Амстердам; Москвада дафн этилган) — скрипкачи, педагог, дирижёр; замонавий рус скрипка ижрочилик мактаби асосчиларидан. Лондон (1959), Бостон, Рим, Берлин (1961) санъат ва мусиқа академиялари фахрий аъзоси, Кембриж университети профессор (1969). Одесса мусиқали драма институтини тугатган (1926). Москва филармонияси якка созандаси (1932—1934 ва 1941-йилдан), Москва консерваториясида доцент (1934-йилдан), профессор (1939-йилдан), кафедра мудири (1950-йилдан). Услубига мукаммал ижро маҳорати, теран мазмун, бадиий-г`оявий равшанлик хосдир. Ниҳоятда кенг репертуаридан мумтоз ҳамда замонавий скрипка асарлари ўрин олган. Чет эл мамлакатлари, хусусан, Ўзбекистонда гастролда бўлган. Бир нечта халқаро танловлар ғолиби (Ленинград, Варшава, 1935; Брюссел 1937). Ўғли — Игор О. (1931) ҳам машҳур скрипкачи ва дирижёр. Россия халқ артисти (1986). Москва филармонияси якка созандаси (1958-йилдан).