Davlat arxeologiya muzeyi
Gʻarbiy Bengal shtati arxeologiya muzeyi Gʻarbiy Bengalning Kalkutta hududidagi arxeologiya muzeyi boʻlib, 1962-yilda tashkil etilgan va tarkibida Susuniya (Bankura) va boshqa yodgorliklardan topilgan ilk, oʻrta va soʻnggi tosh asrlariga oid noyob qurollar, Pandu Rajar Dhibi (Burdvan)dan topilgan proto-tarixiy qadimiy buyumlar, terakota asarlari, haykallar, Gupta, Maurya, Shunga, Kushona, Pala va oʻrta asrlarga oid tosh va stukko namunalari mavjud. Muzey Behaladagi Diamond Harbour yoʻli va Nafar Chandra Das yoʻlidagi Behala Bazar metro bekati yaqinida, Siddeshvari Kali ibodatxonasi orqa tomonida joylashgan.
| Davlat arxeologiya muzeyi | |
|---|---|
| |
| Asos solingan sana | 1962[1] |
| Joylashuvi | Behala (sobiq Kalkutta), Gʻarbiy Bengal[2] |
| Koordinatalari | 22°29′57.80″N 88°19′04.70″E / 22.4993889°N 88.3179722°E |
| Turi | arxeologiya |
| Sayt | wbtourism.gov.in/museums of kolkata |
Bu yerda, shuningdek, 1963-yilda ochilgan „Tarixiy sanʼat“ boʻlimi ham mavjud boʻlib, unda koʻplab qadimiy terakotalar, bronza buyumlar, yogʻoch oʻymakorligi namunalari, matolar va qoʻlyozmalar namoyish etiladi. Bir qator ocherk toʻplamlari va boshqa nashrlar sotiladi; faoliyatiga tarixiy yodgorliklarni qidirish va qazish ishlari kiradi[3].
Hozirgi hashamatli bino Rai Bahodur Ambika Charan Roy (1827–1902)ning ikkinchi oʻgʻli Satyendranath Roy oilasi tomonidan, ayniqsa Rabindranath Roy tashabbusi bilan, 1970-yillarning boshlarida ehson qilingan.
Kirish haqi va ish vaqti
Muzeyga kirish narxi kishi boshiga 20 rupiy. Muzey chorshanbadan yakshanbagacha soat 11:00 dan 16:30 gacha ochiq boʻladi[4].
Galereya
-
Chandraketugarhdan topilgan teshik tamgʻali tangalar. -
Terrakota haykal -
Mahendrapalaning mis lavhaga oʻyib yozilgan bitigi. -
Suyakdan yasalgan artefaktlar -
Kulolchilik buyumlari -
Mithuna, Dampati va Lajjagauri tasvirlari -
Fil suyagidan yasalgan artefaktlar -
Chandraketugarhdan topilgan syujetli va ijtimoiy sahna tasviri -
Terrakota muhr -
Marichi haykali -
Terrakota qoliplari -
Terrakota haykalchalari -
Terrakota lavhasi -
Terrakota ot haykalchasi
-_State_Archaeological_Museum_in_West_Bengal-_1,_Satyen_Roy_Rd,_Auddy_Bagan_Basti,_Behala,_Kolkata,_West_Bengal_700034-_First_Floor-_Nandadirghi_Vihara,_Jagjivanpur_Gallery.jpg)
Yana qarang
Manbalar
- ↑ Roopa-Lekhā. Printed at the I.M.H. Press, Chandri Chowk, Delhi, for the Fine Arts & Crafts Syndicate Limited, Delhi, 2001.
- ↑ Susan L. Huntington. The "Påala-Sena" Schools of Sculpture. Brill Archive, 1 January 1984 — 25–-bet. ISBN 90-04-06856-2.
- ↑ History and Archaeology of Eastern India (en). Books & Books, 1998-01-01. ISBN 9788185016542.
- ↑ „In pictures: State Archaeological Museum makes you delve deep into Bengal’s rich history“. The Telegraph Online.