Desikantlar

Десикантлар (лотинча: десиccо — қуритаман) — етилишини тезлаштириш (5—7 сутка) ва ҳосил йиғим-теримини осонлаштириш учун ўсимликларни илдизи билан қуритишга, десикацията мўлжалланган кимёвий моддалар. Пестицидлар гуруҳига киради. Д. ўсимлик тўқималарини сувсизлантиради ва ҳаёт фаолиятини бутунлай тўхтатади. Д. ғўза, шоли, картошка, кунгабоқар, қанд лавлаги уруғлиги, соя, канакунжут ва бошқа экинлар ҳосилини йигиб-териб олишдан камида 10 кун олдин ўсимликни қуритишда қўлланади. Масалан, Д. таъсирида ғўзанинг барча вегетатив органлари қурийди, кўсакларнинг етилиши ва очилиши тезлашади, аммо етилган тола ва чигитга зарар етмайди. Д. сифатида асосан магний хлоратнпнг 60% ли сувда эрийдиган кукуни (20– 25 кг/га) ва калсий хлорат-хлориднинг (35–40 кг/га) 42% сувли эритмаси, реглон ишлатилади.

Адабиёт

• ЎзМЕ. Биринчи жилд. Тошкент, 2000-йил