Desyatina

Десятина (лот. деcиме) — 1) ўрта асрларда Европада даромаднинг черковга тўланадиган ўндан бир қисми. Франсияда Буюк Карл давридан (779) бошлаб Д. тўлаш мажбурий бўлган. Аҳолининг юқори табақаси Д.дан озод этилган. Бу асосан деҳқонлар учун жабр бўлиб, улар маҳсулотнинг деярли ҳамма турларидан натура шаклида Д. тўлаган. Д. Франсияда 1789—90 йилларда, Ғарбий Европанинг бошқа давлатларида ХИХ асрда бекор қилинди. Россияда Д. княз Владимир Святославович (тахминан 978—1015) томонидан жорий этилган бўлиб, дастлаб черков учун тўланган, кейинроқ умумий солиққа айланиб кетган; 2) ХВИИИ аср бошларигача Россияда епархиянинг бир қисми, черков округи. Д.га десятилник (ўнбоши) бошчилик қилган; 3) метрик ўлчов тизими қабул қилингунга қадар Россияда қўлланган асосий юза ўлчови. 2400 кв. саржин (1,09 га) га тенг. ХВИИИ аср охири — ХИХ аср бошида хўжалик Д.си қўлланилиб, у 3200 кв. саржин (1,45 га) га тенг бўлган.

Адабиёт

• ЎзМЕ. Биринчи жилд. Тошкент, 2000-йил