Difenilamin

ДИФЕНИЛАМИН (C6Ҳ5)2НҲ - иккиламчи ароматик амин, ёруғлик таъсирида қораядиган рангсиз кристалл модда. Мол. м. 169,23; зичлиги 1160 кг/м3. Қайнаш температураси 302°, суюқланиш температураси 54°. Совуқ сувда эримайди; эфир, метил спирт, бензол, лигроин ва б. органик эритувчиларда эрийди. Анилинни анилин гидрохлорид билан автоклавда 300°да НС1, А1С13, НҲ4БФ4 иштирокида қиздириб ва б. усуллар билан олинади. Нитритлар ва нитратлар иштирокида оксидлаб, кўк рангли бирикмалар ҳрсил қилинади. Индикатор сифатида қўлланади. Д. — полимерлар учун ан-тиоксидантлар и. ч.да бошланғич маҳсулот бўлиб, селлюлоза нитратларининг иссиқ ва атмосфера шароитига бардошли стабилизатори, азобўёқлар синтезида оралиқ маҳсулот, юмшоқ пўлатни занглашдан сақловчи ингибитор, шунингдек, аналитик кимёда НО2, НО3, С1О3 ва б. оксидловчиларни аниқлашда индикатор сифатида қўлланади.

Адабиёт

• ЎзМЕ. Биринчи жилд. Тошкент, 2000-йил