Difeniloksid

Дифенилоксид, дифенил-эфир (C₆Ҳ₅)₂О. — рангсиз кристалл модда. Мол. м. 170,21. Суюқланиш температураси 28-29°, қайнаш температураси 259,3°; зичлиги 1075 кг/м3. Сувда деярли эримайди, бензол, муз ҳолдаги сирка кислота, этанолда яхши эрийди. С6Н5С1 билан C6Ҳ5ОНа ни мис иштирокида қиздириш орқали олинади. Паст температурада суюқланиши, термик ва кимёвий барқарорлиги сабабли дифенилоксиднинг дифенил билан аралашмаси (дифенил аралашмаси, динил, даутерм А) ёки нафталин билан аралашмаси (даутерм В) иссиқлик ўтказувчи модда сифатида ишлатилади. Дифенилоксид хушбўй модда сифатида ҳам қўлланади.

Адабиёт

• ЎзМЕ. Биринчи жилд. Тошкент, 2000-йил