Dikkit

Диккит — каолинитнинг полиморф турига мансуб гил минерали. Кимёвий формуласи Ал4[Си4Ол0] (ОҲ)С. Биринчи марта аниклаган америкалик минералог Дикка номи билан аталган. Кристаллари тиниқ пластинкасимон. Рангсиз, оқ, сарғиш ва кўкимтир. Қаттиқлиги 2,5—3,5; зичлиги 2,6 г/см3. Паст температурали гидротермал минерал. Кварс, доломит, серицит, каолинит, гидрослюда, галлуазит билан бирга учрайди. Ўзбекистонда Чатқол-Қурама тоғларида (Оқтош, Оқсоқота, Қоронкўл, Гушсой ва б.) иккиламчи кварситларда Д.нинг тўпламлари аникланган. Қозоғистон (Қорачеку ва Қўнғирот, Кавказ (шим.-ғарбидаги симоб конларда), Украина (Никитовка)да бор. Оқсоқота конидакварс, барит, диаспор, пирофиллит, мусковит, гематит, симоб, олтин ва б. билан бирга Д.нинг чўзиқ кристали учрайди.

Адабиёт

• ЎзМЕ. Биринчи жилд. Тошкент, 2000-йил