Dilaver Osmonov
Дилавер Мидатович Осмонов (Усмон) (1988-йил 18-апрелда туғилган, Гулистон, Сирдарё вилояти, Ўзбекистон ССР) – Киев шаҳар академик болалар ва ўсмирлар опера-балет театри дирижёри[1][2]. Украинада хизмат кўрсатган артист.
Дилавер Осмонов | |
|---|---|
| Таваллуди |
18-апрел 1988-йил |
| Касби | Дирижёрлик |
| Фуқаролиги |
 Украина |
Ҳаёти
Дилавер Осмонов Мидатович 1988-йил 18-апрелда Ўзбекистон ССРнинг Гулистон шаҳрида туғилган. 2000-йилда Пётр Чайковский номидаги Симферопол мусиқа мактабини (В.Хнатик синфи) тамомлаган. 2005-йилда Сергей Прокофев номидаги Донецк давлат мусиқа академиясида (В.Подолчук синфи) таҳсил олган. 2010-йилда П. И. Чайковский номидаги Украина Миллий мусиқа академиясини тугатган (В.Здоренко синфи).
Меҳнат фаолиятини Анатолий Соловяненко номидаги Донецк академик опера ва балет театрида бошлаган.
Дилавер Осмонов 2005—2011-йилларда Украина Миллий мусиқа академияси Опера студияси оркестри артисти (2019-йилдан бу ерда опера ва симфоник дирижёрлик кафедрасида дирижёрлик йўналишида дарс беради).
Дилавер Осмонов 2006-йилдан 2018-йилгача Киев шаҳар академик болалар ва ўсмирлар опера ва балет театри оркестри артисти бўлган.
2012—2016-йилларда Киевда М.Лисенко номидаги мусиқа мактабида ўқитувчи ва Украина Миллий нафас оркестри дирижёри бўлган.
2017-йилдан бери у Киев шаҳар академик болалар ва ўсмирлар опера ва балет театрининг дирижёри. Шу билан бирга, 2018—2019-йилларда у Украина Давлат академик эстрада симфоник оркестри дирижёри ва Луганск давлат маданият ва санъат академиясининг ўқитувчиси бўлган.
Украинада ўтказилган халқаро танловлар ва фестивалларнинг кўп маротаба иштирокчиси ва совриндори.
Репертуар
У тематик консертлар, мусиқий эртаклар, опера ва балет дурдоналарини саҳналаштирган, жумладан: М. Римский-Корсаковнинг „Рождество олдидан кечаси“, Б.Павловскийнинг „Оппоқ қор ва етти гном“, С.Прокофев мусиқасига „Петри ва бўри“, К.Сен-Саэнс мусиқасига „Ҳайвонлар карнавали“, Ф.Шуберт мусиқасига „Абадий севги афсонаси“, Моцартнинг „Фигаронинг уйланиши“, П.Чайковскийнинг „Шелкунчик“ ва бошқалар.
Қрим-татар халқ қўшиқларининг машҳур ижрочиси Дилавер Осмонов „Қирим“ ансамблининг солисти бўлган[3][4].
Мукофотлари
Дилавер Осмонов Мйрон Старовецкий танлови лауреати бўлган.
Манбалар
- ↑ За дирижёрским пултом – Дилявер Османов // Cримеантатарс.cлуб, 13.09.2018
- ↑ Диригент Ділявер Османов про кримскотатарску народну та академічну музику, а також роботу в Київскому мунісипалному театрі опери та балету для дітей та юнацтва // Музична сієста, Українске радіо, 17.05.2019
- ↑
Cримеан Татар ТВ Шоw ЁуТубеда
- ↑ Смыслы жизни: Дилявер Османов ЁуТубеда
Ташқи ҳаволалар
- Ділявер Мідатович Осман (Wайбаcк Мачине сайтида 2022-07-03 санасида архивланган) на сайті Київского мунісипалного академічного театру опери і балету для дітей та юнацтва.