Dilbar Ikromova
Икромова Дилбар Илҳом қизи (17-июл 1947-йил, Бекобод – 25-август 2020-йил, Тошкент) – Ўзбекистон халқ артисти (2001)[1]. Тошкент театр ва рассомлик санъати институтини тугатган (1970). 1970-йилдан Ҳамза театрида (ҳозирги Ўзбек миллий театри) ишлайди. „Ой тутилган тунда“ (М. Карим) спектаклидаги Зубаржат саҳнада яратган илк образидир. Озода („Имон“), Дилором („Олтин девор“), Феокла Ивановна („Уйланиш“), Роллер („Қароқчилар“), Момо („Чимилдиқ“) каби роллари билан шухрат қозонди. Унинг ижроси ҳаётий ҳақиқат ва самимият намунаси бўлиб, диалогларни жуда ишонарли олиб бориш, ролнинг энг майда кўринишларига ҳам нозиклик билан ёндашиш, мимик ҳаракатлардан усталик билан фойдаланиш актриса ижодига хос. Филмларда ҳам суратга тушган: Сотти („Келинлар қўзғолони“), телба аёл („Қалдирғоч“), Она („Ёлгиз ёдгорим“), Она („Чаёнгул“), қўшни хотин („Шариф ва Маъриф“), Момо („Чимилдиқ“) ва бошқалар[2].
| Дилбар Икромова | |
|---|---|
| Таваллуди |
17-июл 1947-йил |
| Вафоти |
25-август 2020-йил (73 ёшда) Тошкент |
| Фуқаролиги |
 Ўзбекистон |
| Касби | Актёр |
| Фаолият йиллари | 1970-2020 |
Вафоти
Дилбар Икромова 2020-йил 25-август санасида 73 ёшида коронавирис касаллиги натижасида вафот этган ва Тошкент шаҳридаги Ялонғоч-2 қабристонига дафн қилинган[3].
Унвон ва мукофотлари
- Фидокорона хизматлари учун ордени (2021-йил)[4];
Манбалар
- ↑ ЎЗБЕКИСТОН РЕСПУБЛИКАСИ МУСТАҚИЛЛИГИНИНГ ЎН ЙИЛЛИГИ МУНОСАБАТИ БИЛАН ФАН, СОҒЛИҚНИ САҚЛАШ, МАДАНИЯТ, МАЪРИФАТ, ОММАВИЙ АХБОРОТ ВОСИТАЛАРИ ВА ИЖТИМОИЙ СОҲАЛАР ХОДИМЛАРИДАН БИР ГУРУҲИНИ МУКОФОТЛАШ ТЎҒРИСИДА
- ↑ ЎзМЕ. Биринчи жилд. Тошкент, 2000-йил
- ↑ „Скончалась народная артистка Узбекистана, известная актриса Дильбар Икрамова“ (ру). подробна.уз (2020-йил 25-август). 2023-йил 15-февралда асл нусхадан архивланган. Қаралди: 15.2.23.
- ↑ „Ўзбек адабиёти ва сан'атининг марҳум фидойилари мукофотланди“. кун.уз. Қаралди: 6-август 2024-йил.
 | Шахсият ҳақидаги уşбу мақола çаладир. Сиз уни бойитиб, ЗиёСферага ёрдам бериşингиз мумкин. |