Dilfuza Mahmudova
| Дилфуза Мелиевна Маҳмудова | |
|---|---|
 | |
| Таваллуди |
1974-йил 4-феврал Каттақўрғон тумани, Самарқанд вилояти, Ўзбекистон ССР |
| Фуқаролиги |
 Ўзбекистон |
| Касби | математик олим |
| Соҳаси | педагогика |
| Таълими | Тошкент давлат университети |
| Илмий даражаси | педагогика фанлари доктори |
| Илмий унвони | доцент |
Дилфуза Мелиевна Маҳмудова (1974-йил 4-феврал, Каттақўрғон тумани, Самарқанд вилояти, Ўзбекистон ССР) — ўзбекистонлик олима, педагогика фанлари доктори (2022), доцент (2021).
Биографияси
Дилфуза Маҳмудова 1974-йил 4-феврал Каттақўрғон туманида туғилган[1]. 1996-йилда Тошкент давлат университети математика факултетини тамомлаган. 1998—1999-йилларда Тошкент шаҳри Собир Раҳимов туманидаги 326-мактабида математика ўқитувчиси, 1999—2002-йилларда шу тумандаги 119-мактабда математика ўқитувчиси, 2002—2003-йилларда Тошкент автомобил йўллари институти олий математика кафедраси ассистенти, 2003—2007-йилларда Тошкент давлат иқтисодиёт университети қошидаги академик лицейда математика ўқитувчиси, 2007—2009-йилларда Тошкент давлат иқтисодиёт университети олий математика кафедраси ассистенти, 2009—2015-йиллар Ўзбекистон Миллий университети физика факултети ядро ва назарий физика кафедраси катта ўқитувчиси, 2015—2016-йилларда механика-математика факултети геометрия кафедраси катта ўқитувчиси, 2016—2018-йилларда университет докторанти, 2018—2020-йилларда ижтимоий фанлар факултети педагогика ва умумий психология кафедраси досенти, 2020—2021-йилларда Чирчиқ давлат педагогика институти математика ва информатика факултети математика кафедраси, 2021-йилдан Чирчиқ давлат педагогика университети математика ўқитиш методикаси ва геометрия кафедраси мудири[1].
Илмий фаолияти
Дилфуза Маҳмудова 2018-йилда педагогика фанлари бўйича фалсафа доктори (ПҳД) илмий даражаси олиш бўйича „Муаммоли масалалар ёрдамида талабалар ижодий фаолиятини ривожлантириш методикаси“ мавзусида диссертациясини ҳимоя қилган. 2021-йил 30-ноябрда таълим ва тарбия назарияси ва методикаси ихтисослиги бўйича доцент илмий унвони берилган. 2022-йилда „Муаммоли таълим технологиялари асосида талабаларнинг креатив фаолиятини ривожлантириш методикаси“ мавзусида докторлик (ДСc) диссертасиясини ҳимоя қилган. 2 та монография, 4 та дарслик, 7 та ўқув қўлланма, 3 та услубий қўлланма, 50 га яқин илмий мақолалар муаллифи[1].