Diopsid

Диопсид (ди… ва юнонча: опсис – кўриниш) – жинс ҳосил қилувчи минерал. Моноклин пироксенлар гуруҳининг силиката. Моноклин сингонияли. Кимёвий формуласи CаМг[Си2О6]. Оч яшил, кулранг, шишадек ялтироқ. Қаттиқлиги 5,5—6,0. Зичлиги 3,3—3,4 г/см³. Одатда нотўғри шаклли кристаллар ҳолида пироксенит, перидотит, габбро, диабаз, диорит, сиенит, контакт скарнларида ва бошқа отқинди ва метаморфик жинсларда учрайди. Ўзбекистоннинг деярли ҳамма тогларидаги интрузив жинсларда бор. Австрия, Италия (Алп тоғлари), Швеция (Нордмарк), АҚСҲ (Коннектикут штати), РФ (Слюдянка)да маълум.

Адабиёт

• ЎзМЕ. Биринчи жилд. Тошкент, 2000-йил