Dizel Rudolf

ДИЗЕЛ (Диэсел) Рудолф (1858.18.3, Париж — 1913.29.9, Ла-Манш) — немис ихтирочиси. Мюнхендаги Олий политехника мактабини битирган (1878). Ёнилғининг сиқилган ҳавога пуркалишидан алангаланадиган ички ёнув двигатели (дизел)ни яратган. Д. ўз двигатели учун 1892 йилда патент олган. Бу билан Д. идеал Карно сиклита яқин бўлган сиклда ишлайдиган ички ёнув двигателини яратиш ғоясини илгари сурди; бунда тоза ҳавони 25 Мн/м2 (250 кгкуч/см2)гача сиқиб энг юқори температурага эришди. Бир қадар такомиллаштирилганидан кейин (1897) двигател арзон ёнилғи (нефт маҳсулоти) билан пухта ишлайдиган ва транспортда кенг қулланиладиган бўлиб қолди.

Адабиёт

• ЎзМЕ. Биринчи жилд. Тошкент, 2000-йил