Dmitriy Kim

Дмитрий Александрович Ким (1918-йил 2-феврал, Қуйи Янчик, Николск-Уссурийский уэзди, Приморск вилояти, – 1985-йил 18-ноябр) – Ўзбекистон ССР Тошкент вилояти Юқори Чирчиқ туманидаги Свердлов номидаги колхоз раиси. Социалистик Меҳнат Қаҳрамони (1951).

Дмитрий Александрович Ким
Таваллуди	2-феврал 1918-йил Николск-Уссурийский уэзди, Приморск вилояти, РСФСР
Вафоти	18-ноябр 1985-йил(1985-11-18) (67 ёшда)
Фуқаролиги	СССР
Таълими	Благовешченск молия-иқтисодиёт техникуми
Касби	колхоз раиси
Мукофотлари

Таржимаи ҳоли

1918-йилда Николск-Уссурийский уэзди Қуйи Янчик қишлоғида деҳқон оиласида туғилган. Миллати корейс. 1934-йилда ўзининг қишлоғидаги етти йиллик мактабни тугатган. Посетовский тумани Краскино қишлоғида Россия Қизил Хоч бўлими котиби, кейин эса шу туманнинг ОСОВИАХИМ туман кенгаши котиби бўлиб ишлаган. 1936-йилда Томск ун тегирмон ишчилари факултетига ўқишга кирди. 1937-йил май ойидан Благовешченск молия-иқтисодиёт техникумида талаба бўлган, шундан сўнг у 1937-йил июлдан сентябргача Краскино қишлоғидаги Посетовский туман молия бўлимида ҳисобчи бо'либ ишлаган.

1937-йилда Тошкент вилоятидаги махсус аҳоли пунктига депортация қилинади. Янгийўлдаги Мудофаа, авиация ва кимё муҳандислигини тарғиб қилиш жамияти (ОСОВИАХИМ) заводида ишлаган (1937—1938). 1938-йилдан — оддий колхозчи, бухгалтер, ҳисобчи, Юқори Чирчиқ тумани Свердлов номидаги колхоз раисининг ўринбосари. 1945-йилда шу колхозга раис этиб сайланди.

У Свердлов номидаги колхозни Тошкент вилоятидаги колхозлари орасида олдинги қаторга олиб чиқди. 1950-йилда колхоз 295 гектар майдоннинг ҳар гектаридан ўртача 79,8 сентнердан яшил каноп ҳосилини олди. СССР Олий Кенгаши Президиумининг 1951-йил 22-майдаги фармони билан Ленин ордени ва Ўроқ ва Болға олтин медали ҳамда Социалистик Меҳнат Қаҳрамони унвони берилган.

Унинг раҳбарлигида Свердлов колхози СССРдаги биринчи миллионер корейс колхозига айланди. 21 колхозчи Социалистик Меҳнат Қаҳрамони унвонига сазовор бўлди. 1971-йил пенсияга чиққунга қадар колхозга раҳбарлик қилди.

Иттифоқ аҳамиятига эга нафақахўр. 1985-йил ноябр ойида вафот этди. Собиқ Свердлов номидаги колхоз (ҳозирги Аҳмад Ясавий номидаги фермер хўжалиги, Юқори Чирчиқ тумани) қабристонига дафн этилган.

Олган мукофотлари

• Социалистик Меҳнат Қаҳрамони;
• Ленин ордени;
• Меҳнат Қизил Байроқ ордени (1957);
• „Ҳурмат Белгиси“ ордени
• „1941-1945 йиллар Улуғ Ватан Урушида жасорат билан қилган хизматлари учун“ медали;
• „Меҳнатда ўрнак кўрсатганлик учун“ медали (1965);
• Ўзбекистон ССРда хизмат кўрсатган пахтакор (1964).

Адабиётлар

• Шин Д. В., Совецкиэ корейси Герои Социалистического труда, Алмати: Сервиcе Пресс, 2019
• З. В., Пан Н. Г. Герои Социалистического Труда – казахстанси, Алма-Ата, 1969—1985, тт. 1-5
• Мен Д. В., Квон Л. А., Ким, Совецкиэ корейси Казахстана, Алмати, 1992
• Ким П. Г., Корейси Республики Узбекистан, Ташкент: Узбекистон. 1993
• Кан Г. В., История корейсев Казахстана, Алмати: Гилим, 1995
• Ким Г. Н., Мен Д. В., История и култура корейсев Казахстана, Алмати: Гилим, 1995
• Ким Б. И., Корейси Узбекистана. Кто эст кто, Ташкент, 1999

Ҳаволалар

• Герман Ким, Видео-Энсиклопедия корё сарам. Герой Социалистического труда Ким Дмитрий Александрович