Ziyosfera

Dmitriy Petrov

Дмитрий Юревич Петров (русча: Дми́трий Ю́рьевич Петро́в; 16-июл, 1958-йил; Новомосковск, Тула вилояти, РСФСР, СССР) — Россиялик муаллим, таржимон, полиглот ва телебошловчи. Россиянинг „Култура“ телеканалидаги „Полиглот“ кўрсатувида ўқитувчи-телебошловчи ҳисобланади[1].

Дмитрий Юревич Петров
Дмитрий Юрьевич Петров
Таваллуди 16.07.1958
 Совет Иттифоқи СССР, Новомосковск
Фуқаролиги  Руссиа Россия
Турмуш ўртоғи Анамика Саксена
Болалари Демян, Илян, Арина

Биографияси

Дмитрий Юревич Петров 1958-йилнинг 16-июл куни СССРдаги РСФСРнинг Тула вилоятидаги Новомосковск шаҳрида туғилган. 1975-йилда ўша пайтда „Морис Торез номидаги Москва давлат чет тиллари институти“га ўқишга киради (ҳозирда ушбу ўқув юрти „Москва давлат лингвистик университети“ деб аталади). Ўзи таълим олган ушбу билим юртида талабаларга таҳсил беради[2].

Матбуотда чоп этилган интервюларидан бирида, Дмитрий Петров ўттиздан ортиқ тилларда сўзлаша олиши айтилган[3][4]. Ўз сўзларига кўра, у қарийб 50 та тилда ўқий ёки гапира олади. Асосан 8 та тилда иш олиб боради. Булар: инглизча, франсузча, италянча, испанча, олмонча, чехча, юнонча ва ҳинди тилларидир[5]. Иврит, венгер тили, молдав тиллари билан ишлаган.

2011-йилнинг декабр ойида, Қозоғистон Республикаси маданият вазирлигининг тиллар бўйича комитети буюртмасига биноан „Тилашар ЭНТЕР“ телевизион проэктида қозоқ тилини ўрганиш мотивацион курсини ўтказди[6][7].

2012-йилнинг январ ойидан буён Дмитрий Петров Россиянинг „Култура“ телеканалида эфирга узатиладиган „Полиглот“ кўрсатуви бошловчиси ва ўқитувчиси ҳисобланади. 2015-йилнинг феврал ойига кўра, ушбу кўрсатувнинг еттита мавсуми эфирга чиқган. Булар: инглизча[8], италянча[9], франсузча[10], испанча[11], олмонча[12], ҳинди/урду[13] ва португалча[14] мавсумлардир. Кўрсатувнинг барча мавсумлари ва қисмлари „Култура“ телеканалининг расмий сайтида ҳаммага очиқ ҳолда акс эттирилади.

Дмитрий Петров шунингдек рус частушкаларини бошқа тилларга таржима қилган[15]. Матбуот ва ўз сўзларига кўра, у Михаил Горбачёв, Борис Елцин ва Владимир Путиннинг таржимони бўлиб ишлаган[16].

Хотини Ҳиндистонлик Анамика Саксена[3][17], таржимон. Фарзандлари, иккита ўғли Демян ва Илян, битта қизи Арина.

Манбалар

  1. ↑ Новости культуры. „Все выпуски программы «Полиглот опубликованы на официальном сайте телеканала «Россия К»“ (ру). Телеканал «Культура» (2013-йил 11-феврал). 2015-йил 16-апрелда асл нусхадан архивланган. Қаралди: 2014-йил 23-март.
  2. ↑ Ю. Фуколова. „Синьор полиглот“. Коммерсант.ру (2014-йил 3-март). Қаралди: 2014-йил 23-март.
  3. ↑ 3,0 3,1 Ларина Ю. Многоязичник. Уникалний полиглот Дмитрий Петров начал телепроэкт и рассказал Юлии Лариной, как учит язики // Огонёк. — № 3 (5212). — 23.01.2012.
  4. ↑ „Открытая лекция «Проблемы изучения языка и переводческая деятельность в контексте межкультурной коммуникации»“. Институт УНИК. 2014-йил 12-мартда асл нусхадан архивланган. Қаралди: 2014-йил 12-март.
  5. ↑ Гарматина Ю. Педагог и полиглот Дмитрий Петров: Иностранний язик можно виучит в любом возрасте! // АиФ. — 31.10.2012.
  6. ↑ Казахский язик можно виучит за 2 недели с „Тилашар ЭНТЕР“. Новости Казахстана. Тенгринеwс.кз
  7. ↑ З. Давлетъярова. „Глаголом по незнанию“. Диалог (2011-йил 29-ноябр). Қаралди: 2014-йил 23-март.
  8. ↑ «Культура»: Полиглот. Английский язык., 2019-01-25да асл нусхадан архивланди, қаралди: 2015-05-02
  9. ↑ «Культура»: Полиглот. Итальянский язык., 2019-01-30да асл нусхадан архивланди, қаралди: 2015-05-02
  10. ↑ „«Культура»: Полиглот. Французский язык.“. 2013-йил 12-январда асл нусхадан архивланган. Қаралди: 2015-йил 2-май. (WебCите сайтида 2013-01-12 санасида архивланган)
  11. ↑ «Культура»: Полиглот. Испанский язык., 2019-01-19да асл нусхадан архивланди, қаралди: 2015-05-02
  12. ↑ «Культура»: Полиглот. Немецкий язык., 2019-02-04да асл нусхадан архивланди, қаралди: 2015-05-02
  13. ↑ Полиглот. Хинди с нуля., 2019-01-15да асл нусхадан архивланди, қаралди: 2015-05-02
  14. ↑ «Культура»: Полиглот. Португальский язык., 2019-02-05да асл нусхадан архивланди, қаралди: 2015-05-02
  15. ↑ Киэня Н. Полиглот Дмитрий Петров: Килка плаваэт в томате, эй в томате хорошо // Известия. — 27.06.2007.
  16. ↑ Виктория Юхова.. „Языковой запас“. Журнал «Итоги» (27 января 2014). 2016-йил 4-мартда асл нусхадан архивланган. Қаралди: 2014-йил 12-март.
  17. ↑ „Свинаренко И. Анамика Саксена: хождение за три моря // Медведь. Первый Мужской журнал. — 24.02.2012.“. 2013-йил 4-февралда асл нусхадан архивланган. Қаралди: 2013-йил 28-январ.

Ҳаволалар


"https://new.ziyosfera.uz/ziyo/Dmitriy_Petrov" dan olindi