Ziyosfera

Dmitriy Ushakov

1940

Дмитрий Николаевич Ушаков ((12-[24] январ 1873, Москва — 17-апрел 1942, Тошкент)) — рус ва совет тилшуноси, рус имлоси ислоҳоти ташкилотчиларидан бири, СССР Фанлар академияси мухбир аъзоси (1939). Асосан рус тилининг асосий изоҳли луғатларидан бирининг муҳаррири ва ҳаммуаллифи сифатида танилган (қаранг: Ушаков луғати).

Ҳаёт йўли

Москва ҳарбий госпиталининг катта стажёри офталмолог Ноколай Василевич Ушаков (1837-1874) ва Успенский собори архприести Дмитрий Петрович Новский (1799—1879)нинг қизи Анна Дмитриевнанинг фарзанди. Икки ёшида у отасидан айрилган ва руҳоний бобоси оиласида тарбияланган. Дастлабки таълимни бобосининг уйида олгач, 1882-йилда тўққиз ёшида биринчи Москва олти йиллик про-гимназиясининг тайёргарлик синфига, 1889-йилда эса Бешинчи Москва гимназияси (ҳозирги — № 91-сонли Москва мактаби)нинг еттинчи синфига юборилган. 1891-йилда Ушаковга берилган шаҳодатномада қуйидаги жумлалар ёзилган эди: „Бешинчи Москва гимназиясида ўқиш пайтида унинг хулқ-атвори мутлақо аъло бўлиб, дарсларда иштирок этиш ва тайёргарлик кўришда, шунингдек ёзма ишларни бажаришдаги мас’улияти ва қизиқувчанлиги мақтовга сазовор“.

Дмитрий Николаевич Ушаков 1895-йилда Москва университетининг тарих-филология факултетини 1-даражали диплом билан тугатган. Дмитрий Ушаков Ф.Ф. Фортунатовнинг шогирди бўлиб, у Ушаковга битирув иншоси мавзусида „Склонение у Гомера“ мавзусини таклиф қилган. Уни университетда қиёсий тилшунослик ва санскрит кафедраси профессори лавозимига тайёрлаш учун қолдирган. Ушаков Москва университетида Ф. Ф. Фортунатовдан ташқари филолог Ф. Е. Корш ва тарихчи В. О. Ключевскийларни ҳам ўз устозлари деб ҳисоблаган. Олим Фортунатов шогирдлари, жумладан А. А. Шахматов, М. М. Покровский, А. И. Томсон, Н. Н. Дурново, А. М. Пешковский ва бошқалардан ташкил топган филолог-олимлар тўгараги аъзоси бўлган[1].

Ушаков ўрта мактабда дарс берган ва шу билан бир қаторда илмий журналларда рус деҳқонларининг эътиқодлари ва урф-одатлари ҳақида этнографик мақолалар чоп эттирган. 1900-1901-йилларда у магистрлик имтиҳонларини топширган ва ,,Рус халқ эпосини ўрганишнинг асосий йўналишлари" ҳамда „Москва шеваси рус адабий тилининг асоси сифатида“ мавзусида иккита синов маърузасини ўқиган. 1901-йилдан Ушаков рус тили магистри ва Москва университети доценти.

1907-1930-йилларда Д. Н. Ушаков Москва университетининг тарих-филология факултети рус тили кафедраси профессори бўлган. У шунингдек: Олий аёллар педагогика курслари (1907-1918), Олий аёллар курслари (1909-1919), В. А. Полторацкая Олий аёллар курслари (1910-1919), Олий ҳарбий педагогика мактаби (1919-1922), Брюсов номидаги адабиёт институти (1924-1925), Давлат Сўз институти (1920-1925) ҳамда ОГИЗ таҳририят-нашриёт институтида (1932-1933) дарс берган. Москва театрларида орфоэпия дарсларидан маърузалар қилган.

1903-йилда олим Москва диалектология комиссиясининг ташкилотчиларидан бири, нашрларининг бош муҳаррири бўлган. 1915-йилда Ф. Е. Корш вафотидан сўнг, Ушаков 1931-йилгача уюшма тугатилгунга қадар комиссия раиси вазифасида фаолият юритган. Институтнинг бутун фаолияти давомида (1934-1941) МИФЛИ(Москва фалсафа, адабиёт ва тарих институти) рус тили кафедраси мудири бўлган.

Ушаков уруш йилларида Тошкентга эвакуация қилинган. 1942-йил 17-апрелда Тошкентда вафот этган ва Боткин қабристонига дафн этилган.

Ушаков луғати

Луғат устида ишлаган пайтларида Д. Н. Ушаков тилшунослик, диалектология, имло, орфоэпия, лексикография ва рус тили тарихига оид асарлари билан машҳур бўлган. Унинг 1911-йилда ёзган „Рус имлоси“ китобида рус адабий нутқида имло ва талаффуз ўртасидаги муносабат таҳлил қилинган. Бу асарида Д. Н. Ушаков дастлаб рус имлосини ислоҳ қилиш зарурлигини асослаб берган ва 1917—1918-йилларда имло ислоҳоти лойиҳасини ишлаб чиқишда фаол иштирок этган.

ХХ асрнинг дастлабки йигирма йиллигида Россияда содир бўлган инқилобий ижтимоий ўзгаришлар рус тилининг луғатини сезиларли даражада ўзгартирган. Шу боис, 1920-йилларда рус тилининг изоҳли луғати устида иш бошланган. Уни Дмитрий Николаевич Ушаков тузувчи ва бош муҳаррир сифатида ижро этган.

4 томли „Рус тилининг изоҳли луғати“ 1935-йилдан 1940-йилгача нашр этилган. Натижада ХХ асрда рус тилининг ривожланишини тавсифлашда муҳим бўшлиқни тўлдирган луғат яратилган. Ушбу луғат мутахассислар томонидан ХИХ-ХХ асрлардаги луғат нашрлари рўйхатида туриши мажбурий бўлган манба сифатида таснифланган, яъни уларсиз замонавий рус тили тўлиқ бўлмайди. Луғат 90 мингдан ортиқ ёзувларни ўз ичига олади ва кенг ўқувчилар аудиторияси учун мўлжалланган.

Хизматлари

Ушаковнинг тадқиқотлари диалектология, лексикография, назарий грамматика, педагогика, тасвирий фонетика, стилистика ва рус тили тарихига бағишланган. У тилни барча қисмлари функсионал жиҳатдан бир-бири билан боғланган ва ажралмас бўлган яхлит тизим, организм деб ҳисоблаган. Олимнинг чоп этилган асосий нашрлари:

Аудиоёзув

  • Ушаков Д. Н. О московском произношении. // Незабытые голоса России: Звучат голоса отечественных филологов. Вып. И. — М.: Языки славянских культур, 2009. — С. 189—196. ИСБН 978-5-9551-0327-3 Запись лекции, прочитанной в 1940 г. Хранится в фонотеке ИРЯ им. В. В. Виноградова РАН.
  • Лекция „О законах русского произношения“ (записана в феврале 1941 г.). Хранится в фонотеке Московской гос. консерватории

Адабиётлар

  • Аванесов Р. И. Дмитрий Николаевич Ушаков (к 100-летию со дня рождения) // Известия АН СССР. ОЛЯ. 1973. Т. 32. Вып. 2;
  • Бернштейн С. Б. Дмитрий Николаевич Ушаков (страницы воспоминаний) // Вестник Московского университета. Сер. 10. Филология. 1973. № 1;
  • Реформатский А. А. Дмитрий Николаевич Ушаков // Русский язык в школе. 1973. № 1;
  • Филин Ф. П. Рыцарь слова. К 100-летию со дня рождения Д. Н. Ушакова // Советская Россия. 1973, 25 января;
  • Булахов М. Г. Восточнославянские языковеды: биобиблиографический словарь. Т. 3. Минск, 1978;
  • Памяти Д. Н. Ушакова (к 50-летию со дня смерти) / Публикация Н. Д. Архангельской и Т. Г. Винокур // Известия РАН. Серия литературы и языка. 1992. Т. 51. № 3. С. 63—81.
  • Последние письма Д. Н. Ушакова Г. О. Винокуру (1941—1942 гг.) / Публикация, вступление и примечания О. В. Никитина // Известия РАН. Серия литературы и языка. 2001. Т. 60. № 1. С. 66—71.
  • Высотский С. С. Д. Н. Ушаков и русская диалектология // Русская речь. 2003. № 6. С. 79—86.
  • Никитин О. В. «Чистый сердцем человек» (К 130-летию со дня рождения Д. Н. Ушакова) // Русский язык за рубежом. 2003. № 3. С. 79—81.
  • Филиппов В. А. Д. Н. Ушаков и театр // [Московский журнал. История государства Российского. 2003. № 5. С. 50—52.
  • Отечественные лексикографы ХВИИИ-ХХ вв. / под ред. Г. А. Золотовой. 2-е изд. М., 2011.
  • Дмитрий Николаевич Ушаков и «ушаковский» словарь // Крысин Л. П. Статьи о русском языке и русских языковедах. М.: Флинта: Наука, 2015. С. 507—517.

Манбалар

  1. ↑ Императорский Московский университет 2010.

Ҳаволалар

"https://new.ziyosfera.uz/ziyo/Dmitriy_Ushakov" dan olindi