Dmitriy Xolendro

Дмитрий Михайлович Холендро (1921–1998) – Совет рус ёзувчиси, ссенарийнавис, Улуғ Ватан уруши қатнашчиси. СССР Ёзувчилар уюшмаси аъзоси (1950).

Дмитрий Холендро
Таваллуди	Холендро Дмитрий Михайлович 2-декабр 1921-йил Тошкент, РСФСР
Вафоти	1998-йил
Фуқаролиги	СССР Россия
Жанр	қисса, ҳикоя, песа, ссенарий

Биографияси

Холендро 1921-йил 2-декабрда (бошқа маълумотларга кўра 2-ноябр) Тошкент шаҳрида (ҳозирги Ўзбекистон) хизматчи оиласида таваллуд топган.

Асарлар ёзишни 1938-йилда бошлаган. 1939-йилда МИФЛИга ўқишга кирган. Шу билан бирга Қизил армия сафига чақирилган. Улуғ Ватан уруши йилларида „Вперёд за Родину!“ газетасида катта адабий раҳбар бўлиб фаолият олиб борган. Керченско-Элтигенская қўниш операцияси иштирокчиси ва 1944-йилдан КПСС(б) аъзоси бўлган.

Ёзувчи Дмитрий Михайлович 1950-йилда СССР Ёзувчилар уюшмаси аъзо бўлди. 1951-йилда Константин Паустовскийнинг Ростов-Донда адабий семинарида қатнашди.

1956-йилда А. М. Горкий номидаги Адабиёт институти қошидаги олий курсни тамомлаган. Дмитрий „Ўзбекфилм“ киностудияси ва Ялта киностудияси билан ҳамкорлик қилган. Ёзувчининг кўпгина асарлари Қораденгиз мавзуларига бағишланган.

Холендро 1998-йилда вафот этган. У Москвадаги Донское қабристонига ота-онаси ва укасининг ёнига дафн этилган.

Ижоди

1949–1950-йиллар оралиғида „Гори в свету“ романини ёзган.

Холендро 1959-йилда „Опасний мис“, 1960-йилда „Кларенс ва Жулетта“, „Поездка в Саят“ (1966-йилда суратга олинган „Сайёд қўнғироғи“ филми ссенарийси асосида, 1972-йилда ҳикояга айлантирилган), 1967-йилда „Свадба“ ва 1967-йилда „Старий Чудак“ номли қиссалар ёзган.

Дмитрий Михайлович 1951-йилда „Море шумит“, 1954-йилда „Дорога в степ“, 1960-йилда „Раннее утро“, 1980-йилда „Слобода“ ва 1983-йилда „Плавни“ номли ҳикоялар топламини ёзади.

Мукофотлари

Дмитрий Михайлович 1-даражали Ватан уруши ордени ва иккита Қизил Юлдуз ордени билан тақдирланган.