Doʻstlik City Mall
 | Bu sahifani tezda oʻchirish taklif etiladi.
Sababi: M6: Keng ommaga mashhur boʻlmagan kishilar, tashkilotlar, veb-saytlar, hodisalar haqidagi maqola. Agar ushbu sahifani oʻchirish kerak emas, deb oʻylasangiz, oʻz fikringizni munozara sahifasida qoldiring. Sahifa muallifiga: Mazkur ogohlantirish xabarini aslo oʻzingiz olib tashlamang.Administratorlarga: bu yerga ishoratlar • tarix (oxirgi oʻzgarish) • oʻchirish Bu sahifa oxirgi marta 05:21, 11-noyabr 2026 (UTC) (0 soniya avval) da tahrir qilingan. |
Doʻstlik City Mall — Fargʻona viloyati Furqat tumanining Ardahshon qishlogʻida qurilayotgan savdo, xizmat koʻrsatish va koʻngilochar majmua. Majmua loyihasi savdo, ishlab chiqarish va ko‘ngilochar yo‘nalishdagi obyektlarni yagona hududda joylashtirishni nazarda tutadi.[1]
Tashkil etilishi
Majmua qurilishi Furqat tumanining Ardahshon qishlogʻida 2025-yilda boshlangan. Oʻzbekiston Milliy axborot agentligi (OʻzA) 2025-yil sentyabr oyida loyiha hududida xalqaro savdo, xizmat koʻrsatish va koʻngilochar yoʻnalishlarni rivojlantirishga moʻljallangan infratuzilma barpo etilayotganini xabar qilgan.[2]
2025-yil dekabr oyida Kun.uz majmua qurilishi haqida alohida material e’lon qildi. Nashr ma’lumotiga ko‘ra, loyiha 15 gektar hududni qamrab oladi hamda uning tarkibida savdo, ishlab chiqarish va koʻngilochar obyektlar tashkil etilishi rejalashtirilgan.[1]
Furqat tumani iqtisodiyotidagi o‘rni
Loyiha Furqat tumanida amalga oshirilayotgan yirik investitsiya loyihalaridan biri sifatida mahalliy iqtisodiy infratuzilmani rivojlantirish bilan bogʻliq. Fargʻona viloyati hokimligi maʼlumotlarida majmuaning birinchi bosqichi qurilishi davom etayotgani va uning tarkibida savdo hamda ishlab chiqarish obyektlari barpo etilayotgani qayd etilgan.[3]
Majmuaning 15 gektarlik hududda barpo etilayotgani va unda turli savdo hamda ishlab chiqarish yo‘nalishlarini birlashtirish rejalashtirilgani loyihaning tuman iqtisodiy infratuzilmasidagi ko‘lamini ko‘rsatadi.[1]
Qurilish jarayoni
2026-yil 15-iyun holatiga koʻra, Fargʻona viloyati hokimligi majmuaning birinchi bosqichi qurilishi yakunlanish arafasida ekanini maʼlum qilgan. Xabarda hududda oltita maxsus ishlab chiqarish zonasi va uch qavatli savdo markazi barpo etilayotgani qayd etilgan.[3]
Manbalar
- ↑ 1,0 1,1 1,2 „Furqat tumanida yirik savdo va ko‘ngilochar majmua qurilishi boshlandi“ (uz). Kun.uz (2025-yil 14-dekabr).
- ↑ „Furqat tumanida xalqaro savdo, xizmat ko‘rsatish va ko‘ngilochar kompleks barpo etilmoqda“ (uz). OʻzA (2025-yil 7-sentyabr).
- ↑ 3,0 3,1 „В селе Ардашон завершается первый этап строительства международного торгово-сервисного и развлекательного комплекса «Doʻstlik City Mall»“ (ru). Fargʻona viloyati hokimligi (2026-yil 15-iyun).