Don (daryo)

Дон
Тавсиф
Узунлиги	1 870
Майдони	422 000 км²
Жойлашуви
Давлат	Россия

Бу атаманинг бошқа маънолари ҳам мавжуд. Қаранг: Дон (маънолари).

Дон (юн. номи Танаис) — Россия Федерациясининг Европа қисмидаги дарё. Узунлиги 1870 км. Ҳавзасининг майд. 422 минг км². Ўрта Россия қирларининг шарқий ён бағридан бошланиб, Азов денгизининг Таганрог қўлтиғига қуйилади. Юқори қисми тор водийдан оқади; ўнг қирғоғи баланд (90 м гача), соҳилида жар кўп. Чуқ. 20 м гача. Донга ўнгдан Северский Донец, чапдан Медведица, Сал ирмоқлари қуйилади. Доннинг қуйи қисмида Симлянск сув омбори ва ГЕС бор. Ростов-Дон ш.дан қуйида Доннинг делтаси (майд. 340 км²) бошланади. Ўртача сув сарфи 935 м3/сек. Дон кема қатнайдиган Волга-Дон канали орқали Волга билан боғланган. Асосан қор ва ёмғирдан сув олади. Ноябр ва декабрда муз билан қопланиб, мартда муздан бўшайди. Донда Сосна дарёси қуйилиш еридан 1604 км гача, Лиски ш.дан 1355 км масофада мунтазам кема қатнайди. Бал и к, овланади. Дон бўйида Калач-Дон, Ростов-Дон, Азов шаҳарлари жойлашган.