Dona gul

Дона гул — қоракўл териси гулининг бир тури. Шакли ловияга ўхшашлигидан ловия гул деб ҳам аталади. Д. г. худди қалами гуллилари каби ёпиқ, жингалак учлари гул тагига деярли бу-ралиб кирган. Бундай қоракўл терилари қиммати жиҳатдан қалами гуллилардан сўнг иккинчи ўринда туради. Тўлиқ жингалакланган чиройли гуллилари соф зот крракўл қўйлари учун хос белгидир. Д. г. қисқа, энига нисбатан 1,5—2 марта узунроқ (уз. 8–13 мм). Д. г.нинг узунлиги, катта-кичиклиги тери сифатини белгилайди. Д. г.лари майда терилар — флер ва кирпук навга; Д. г. лари ўртача терилар — юпқа жакет; катталари — қалин жакет навга киради. Булардан иккинчиси қимматли ҳисобланади. Д. г.лар, асосан, терининг ёнбош ва сон қисмида, қарчиғайида, тўла сағри ва орқа чўққи қисмида кам шаклланган бўлади.

Адабиёт

• ЎзМЕ. Биринчи жилд. Тошкент, 2000-йил