Dovud hammomi
Довуд ҳаммоми — Самарқанд шаҳридаги энг қадимий фаолият кўрсатаётган ҳаммомлардан бири. 1893-йилда очилган. У Самарқанд шаҳрининг шарқида, эски шаҳар деб аталадиган жойда, яҳудийлар маҳалласи ҳудудида, Хижум кўчасида, хусусий турар-жой бинолари орасида жойлашган.
Ҳаммомнинг рўпарасидаги кичик кўчада Самарқандда ҳозирда фаолият кўрсатаётган иккита синагогадан бири — Канесой Гумбаз ибодатхонаси жойлашган.
Ҳаммом Абу Мансур Мотуридий мақбарасидан 350 метр шимолда, Шоҳизинда мақбараси ансамблидан 430 метр жанубда, Бибихоним жоме масжиди ва Сиёб бозоридан 650 метр шарқда, яҳудий қабристонидан 750 метр жанубда, Регистон ансамбли ва майдондан 1300 метр шимолий-шарқда жойлашган.
Довуд пайғамбар шарафига шундай номланган.
Ҳаммом ҳафтада этти кун, эрталабдан кечгача очиқ. Ҳаммомдаги сувнинг ҳарорати мижозларнинг хоҳишига кўра тартибга солинади. Одатдагидек, одамлар ҳаммомга махсус „лунги“ чойшаб ва махсус „шипак“ сандал кийиб кирадилар. Ҳаммомдан кейин ташриф буюрувчилар одатда алоҳида хонасида иссиқ чой ичишади.
Самарқанднинг бошқа меъморий, археологик, диний ва маданий ёдгорликлари билан биргаликда „Самарқанд — маданиятлар чорраҳаси“ номи билан ЮНЕСКОнинг Жаҳон мероси рўйхатига киритилган.
Манбалар
- М. М. Абрамов „Каландарханинская часть“, . Гузары Самарканда. Тошкент: „Ўзбекистон“, 1989. ИСБН 5-640-00570-Х.