Dunimsar

Дунимсар — 1) оғирлик ўлчов бирлиги; қиймати 1 ман нинг 1/16 улушига тенг . Ўрта Осиёда кенг қўлланган. Оғирлик ўлчов бирлиги маннинг улушли қиймати ишлатилган ва жойига қараб ҳар хил бўлгани учун Д.нинг қиймати ҳам ҳар хил бўлган. Бухорода 2,5 уcмоп ҳам Д. деб юритилиб, 54 г га тенг бўлган (1 Д.=2,5 истор = 2,5-21,6 г = 54 г). Бухоронинг 25,6 кг ли мани бўйича 1 Д.= 1,6 кг бўлган. ХИХ асрда катта Д. катта (16 пудли) маннинг 1/16 улуши, яъни 16,38 кг бўлган ва 1 пуд деб, кичик Д. кичик (8 пудли) маннинг 1/16 улуши, яъни 8,19 кг бўлган ва 0,5 пуд деб юритилган. Д. Тошкент, Фарғона, Хўжанд ва б. вилоятларда қарийб қулланилмаган; 2) буғдой экиладиган ер майдонини ҳам тахминан белгилашда қўлланган бирлик; 1 Д. бугдой экиладиган ер майдони 1 Д. майдон ҳисобланади.

Адабиёт

• ЎзМЕ. Биринчи жилд. Тошкент, 2000-йил